Basqı bet / Ğibadat / Kelestegi bir kün

Kelestegi bir kün

Erejep ayınıñ 27-küni  (2017j.23-säuir), Miğraj tüniniñ qarsañında, «Eşan bau» degen  eski atı esten şıqqan,qazir «Orazata» atalatın  auıldağı  kögaldi  alqapta,Sarıağaş audandıq äkimdigi qoldauımen  Etjemes eşan atanıñ atına derbisana  wyımdastırıldı. 19 – ğasırdıñ soñı men 20-ğasırdıñ basında, 50 jılday   Keles  öñirine dini sauattılıqtıñ, eginşilik mädenietiniñ  «wrığın» sepken  Äulie—Et jemes eşan atanıñ atınan  aşıq aspan astında, mıñnan astam adam qatısqan,osınday  dini şara  alğaş ret  ötti.

 

Bükil türik äleminiñ piri sanalğan  Qoja Ahmet YAssauidiñ  jolın wstanıp, özi tañdağan sopılıqtıñ şıñına jetu barısında Şariğat, Tariqat, Mağripat ilimderin tereñ meñgeruiniñ arqasında Allanıñ meyir,şapağatına bölenip, älem jaratılısınıñ Aqiqatına köz jetkizgen  Et jemes eşan ata basqalardıñ  payımı jete bermeytin qasietterge ie boldı,äulie atandı. Jıl sayın köktem şığa,Naurızda bastalğan  jaña jıldıñ elge jaylı, halıqqa berekeli jıl boluın bir Alladan swrap  derbisana ötkizetin. Soñğı   jıldardağı QMDB-niñ  köktemde köpşilik bolıp, mazar tazalaudı  «derbisana» dep atağanı sätti şeşim boldı. Jwmıs ayaqtalğan soñ,dastarhan jayıp,qwran oqıp,dwğa-tilek jasau  ata-baba dästürine  say kelip twr. Osılayşa  bwl şara halıq qoldağan,jalğastırğan  bastamağa  aynaldı.

Audan  äkimi  Qayrat Äbduäliev  kirispe söz söylep  jiındı  aştı. Jiın barısında  QMDB-nıñ Sarıağaş  audandıq    bölimşesiniñ imamı  Berik  Qaldarov,  «Eşan Baba» jäne  «Eşan bau»  meşitteriniñ  imamdarı   Aydar  Sadıqov  pen Bolat  Täjibaevtar   ötken äruaqtarğa  arnap qwran bağıştadı. Minberge köterilgen   audandıq ardagerler keñesiniñ törağası  Mwstafa  Süleymenov, äulieler tarihın zerttep jürgen  belgili  ğalım  Seyitomar Sattarov, professor  Ş.Janädilov jäne osı joldardıñ avtorı   Elbasımız  N.Nazarbaevtıñ  juırda jarıq körgen  «Bolaşaqqa bağdar: ruhani jañğıru» maqalasında  tarihi jäne  ruhani  baylığımızdı  saqtay otırıp, onı arttıru, sananı jañğırtu qajettiligi  turalı  jazğandarın  jäne juırda  din basılarımen bolğan kezdesuinde  elimizdi jımısqı  sırtqı  jaulardan qorğauğa qatıstı bağıt-bağdar bergen  sözderin qoldağan   halıqtıñ  erikti türde bas qosqan  jiını ekenin öz sözderine  qosıp  ayttı.

Derbisananıñ bağdarlaması  Mäulit merekesiniñ ülgisimen jasaldı. Aldımen  Jaqsıümbet  Orazaywlı  YAssauidiñ  hikmetteri men zikirlerin  qobızdıñ  süyemeldeui men   orındap  esittirdi. Audanımızdağı«Aruana»,«Hanbibi», «Aq äjeler»  ansambilderi, Abay auılındağı  Mädeniet üyiniñ  wjımı, «Keles» vokal'di aspaptar ansambili  belsene qatıstı. «Keles» halıq teatrınıñ  ärtis-änşileri  Baqıt  Poşanov pen  Gülayna Swltanovalar Et jemes eşan atağa arnalğan  Jolbarıs Maylıqojawlınıñ jäne Kendebay Mwrtazaevtıñ öleñderin terme äuenimen orındadı.

Almatıdan   kelgen elimizge keñinen tanımal, illahi änderdi orındaudıñ  şeberi, jerlesimiz Serjanäli  Orınbasarwlı  Älibekov arnayı bağdarlamamen  sahnağa şığıp, Allanı madaqtağan,Mwhammed  payğambarımızğa salauat aytqan dini änderimen  mwsılman  qauımnıñ   qwlaq qwrışın qandırdı. Imamdardıñ  uağız-nasihatın  öleñ  men  dini   äsem  äuenge aynalğan nwsqasın estigende közderine jas  tolğandar  az bolmadı.

Äulie  atamızdıñ  şöberesi  Hasan qoja, Osıdan 120 jılday bwrın  Et jemes eşan ata kiip jürgen şapandı änşi Serjanälige  kigizip, elge körsetti.  Derbisanada  onşaqtı  toy  qazandarı  asıldı, köpşilikke arnalıp dastarhan jayıldı.

 

Oñğar  Isaev, jurnalist    Keles öñiri Sarıağaş audanı Oñtüstik Qazaqstan oblısı.

 

 

 

 

 

Sonday-aq, oqıñız

«Appaq işan – ruhaniyat äleminiñ darabozı!»

Osıdan üş jıl bwrın «Appaq işan — ruhaniyat äleminiñ darabozı!» degen taqırıpta Bäydibek audanınıñ ortalığı …

Pikir qaldıru

E-poşta mekenjayıñız jariyalanbaydı. Mindetti örister * tañbalanğan