باسقى بەت / ءبىر سۋرەتتىڭ سىرى / دىنمەن كۇرەس قالاي جۇرگىزىلدى؟

دىنمەن كۇرەس قالاي جۇرگىزىلدى؟

سايتىمىزدا «دىنگە قارسى اتتانىس» جاۋىققان قۇدايسىزدار  شتابىنىڭ  ءبىر كۇندىك گازەتىن جاريالاعان ەدىك. تومەندە سول گازەتتىڭ ءبىر ماقالاسىن نازارلارىڭىزعا ۇسىنامىز، وسى ماقالانى توتە جازۋدان كيريلل قارپىنە اۋدارىپ بەرگەن بەردىگۇلگە العىسىمىز مول.

دىنمەن كۇرەس – ساتسيالدىق  ءۇشىن كۇرەس

بارلىق كومسومول ۇيىمدارىنا، كومسومولدىڭ مۇشە، كانديداتتارىنا

(وكىرىكتىك كومسومول كوميتەتى مەن دىنگە قارسى ۇگىت جۇرگىزۋ  شتابىنىڭ نۇسقاۋشى)

ارداقتى جولداستار!

پارتيا مەن كەڭەس ۇكىمەتىنىڭ سوڭعى جىلداردا جۇرگىزگەن ءىرى ماڭىزدى ساياسي ناۋقاندارى تاپ-تارتىسىن كۇشەيتىپ، تاپ دۇشپانىمىزداي، جۋان، جۇدىرىقتاردىڭ قارسىلىعىن بۇرىنعىدان الدەنەشە ەسە ارتتىردى. بايلاردىڭ ءدىندى «دانا ۇستاپ» اشىقتان-اشىق قارسى شىققان كەزدەرى بولدى. مادەني-اعارتۋ جۇمىسىن ىسكە اسىرۋ جونىندە ءدىن ۇلكەن قىرسىعىن جۇرگىزىپ كەلدى.

ءدىننىڭ وسى كۇنگە دەيىن  كەڭ ورىن الىپ كەلۋ سەبەبىنىڭ ءبىرى – دىنگە قارسى ۇگىت جۇمىسىنىڭ ءجوندى جۇرگىزىلمەۋى. بىزدە وسى كۇنگە دەيىن دۇرىس جۇمىس جۇرگىزىپ وتىرعان ءبىر ۇيىم، ءبىر ۇيىرمە جوق. كەرەك بولسا، ءبىز تولىپ جاتقان  قۇدايسىز بەلسەندىلەردەن وكىرىكتە ورتالىق ءبىر ۇيىم دا قۇرا العامىز جوق.  ءبىرلى-جارىمدى قۇرىلعان «قۇدايسىزدار ۇيىرمەسى» تۇك ىستەمەي كەلەدى. بۇلار ەڭبەكشىلەردى ۇگىتتەۋ بىلاي تۇرسىن كاسىپوداعى مۇشەلەرىن، وقىتۋشى، وقۋشىلاردى تارتا الماي وتىر. ءالى كۇنگە دەيىن كومسومولداردىڭ ءوز ىشىندە قۇدايدى ۇمىتپاي ايىنا ءپىتىر بەرىپ، قۇرباندىق ىستەپ جۇرگەندەرى دە جوق ەمەس.

وسىنىڭ سالدارىنان ەلدە ەسكى ادەت-عۇرىپ، ءدىن سالتى ءالى كەڭ ورىن الىپ كەلەدى.  كەيبىر مولدالار «مولدالىقتان بەزدىم» دەپ، گازەت جۇزىندە جاريالاسا دا ونىڭ ىلەۋدە بىرەۋى عانا شىن كەڭەس شارۋاسىنا اينالىپ، كوبى ەسكى ساياساتىن جۇرگىزىپ وتىر. بۇعان سەيتەن، تەرەڭكول اۋداندارىنداعى ءبىر-ەكى مولدانىڭ «مولدالىقتان بەزدىم، ادال كەڭەس شارۋاسى بولامىن» دەپ گازەتكە جاريالاپ وتىرىپ، ءىس جۇزىندە ارامدىعىن تاستاماي، ارتىق استىعىن تىعىپ، ۇكىمەتكە بەرمەۋى دالەل. مۇنى ىستەگەن مولدا ەڭبەكشىلەردى پارتيا مەن  ۇكىمەتتىڭ ساياسي شارالارىنا قارسى  تۇرۋعا ۇگىتتەۋدەن قاشا الادى دەپ ايتا الامىز با؟ ارينە، جوق. ايتا بەرسەك،  ءدىن باسشىلارىنىڭ بۇدان سوراقى قىلمىستارى دا تولىپ جاتىر.

وسى كۇنى ءبىز حالىق شارۋاشىلىعىن وركەندەتۋ جونىندەگى 5 جىلدىق جوسپاردى 4 جىلدا اسۋىمەن ورىنداۋعا، وعان كەسىرىن تيگىزەتىن بارلىق كەدەرگىلەردى جويۋعا بەلسەنىپ كىرىسىپ وتىرمىز عوي. مىنەكي، سول كەدەرگىلەردىڭ ءبىرى – ءدىندى دە جويۋىمىز كەرەك. دىنگە قارسى ۇگىت جۇمىسىن بۇدان بىلاي شىنداپ قولعا الۋىمىز كەرەك.

سوندىقتان دىنگە قارسى ۇگىت جۇرگىزۋ شتابى دىنمەن كۇرەسى جونىندە مىنا شارالاردى بەلگىلەيدى.

كومسومول ۇيالارى دىنگە قارسى ۇگىت جۇمىسىن تەز قولعا السىن.

مۇنىڭ … ءوز جانىنان… سىن ۇيرىمەلەرگە كومسومولداردان تىس ەڭبەكشى شارۋا جاستارى تارتىلسىن. دىنگە قارسى ۇگىت جۇمىسىنا بۇرىن مولدالىققا وقىپ، سوڭىنان ءدىننىڭ بايلار قۇرالى ەكەنىنە تولىق. …ىسىنە بەرىلگەن ازاماتتاردى تارتۋ كەرەك. ۇيىرمەلەرگە، اسىرەسە، باتىراق، كەدەي، ورتاشا جاستارىن كەڭ تارتۋعا كوڭىل نىق ءبولىنسىن. ولاردى ۇيىرمە دۇرىستاپ تاربيەلەسىن. ۇگىت جۇمىسىن ەل ىشىندە دە مىنا ادىستەرمەن جۇرگىزۋ كەرەك. الدىمەن ءدىننىڭ قايدان شىققانىن ايتا كەلىپ، ونىڭ وسى كەزدەگى ساياسي بەتىن اشۋ كەرەك. باي، جۋان-جۇدىرىق، ساۋداگەرلەردىڭ ساتسيالدىق قارسى كۇرەسكەندەردى ءدىندى….

زياندى شىبىن-شىركەي قايدان كەلەدى، بۇلار قايتكەندە جايىلادى دەگەن سياقتى شارۋالاردىڭ تۇرمىسىنان، شارۋاسىنا بايلانىستى ماسەلەلەردەن ءتۇسىندىرۋ كەرەك. ءدىن مەن عىلىمنىڭ باسى ءبىر قازانعا سىيمايتىندىعىن دالەلدەتىپ كورسەتۋ كەرەك، مەكتەپ، قىزىل وتاۋ بولسىن، بۇدان دا ۇگىت شاراۋالارعا ايىرىم-ايىرىم ءتۇسىندىرۋ جولىمەن جۇرگىزىلسىن. ايىرىم ۇگىت جونىندە ءاربىر قۇدايسىزدىڭ نەگىزگى مىندەتى – قانداي بولسا دا ىڭعايلى جاعىداي تاۋىپ ءوزى قىزمەت ىستەيتىن مەكەمە، ۇيىمدارداعى جولداستارى اراسىندا، اينالاسىنداعى قارا شارۋالارعا ، كوز كورگەن تانىس-بىلىستەرىنە، ءۇي-ىشىنە، تۋعان-تۋىستارىنا ۇگىت-ناسيحات جۇرگىزۋى كەرەك. دىنگە قارسى شىعارىلعان كىتاپ، جۋرنال، گازەتتەردى ەل اراسىنا مەزگىلمەن تاراتىپ وتىرۋى كەرەك.

ۇگىت جۇمىسىن جۇرگىزگەندە اسا ساق بولىپ دىنشىلدەردىڭ نازىك كوڭىلىنە… تى عيبادات ەتۋدەن كۇشتەپ-قورقىتىپ تيۋ. مەشىت-شىركەۋ سياقتى عيبادات ورىندارىن اكىمشىلىك جولمەن جابۋ كەرەك.  بۇل نەگىزىنەن دۇرىس ەمەس.

پارتيانىڭ ءۇىىى-سەزى دىنگە قارسى اكىمشىلىك شارا قولدانۋدى، ونى قىسىپ-زورلاۋدان  تيعان. بارلىق جۇمىس ۇگىت جولىمەن ءجۇرسىن دەگەن. سوندىقتان كوپشىلىكتىڭ ءوزى ءبىر اۋىزدان عيبادات ورىندارىن الۋدى كەرەك دەپ تاپپاسا، وعان زورلىق ىستەۋگە بولمايدى. ۇيتكەنى،  دىنمەن كۇرەسى ءبىر ايدا، ءبىر جىلدا ورىندالا قوياتىن جۇمىس ەمەس: وعان  كوپ جىل كەرەك. كومسومولدىڭ مىندەتى، قورىتىپ ايتقاندا: ءدىننىڭ قايدان شىققاندىعىن، ول  بايلاردىڭ تاپ قۇرالى ەكەندىگىن ءتۇسىندىرۋ، كۇنبە-كۇنگى تۇرمىس تاجىريبەسىنەن الىپ، ءدىننىڭ جاراتىلىسپەن ەشبىر بايلانىس جوقتىعىن ۇعىندىرۋ. مولدا-مازىندەردىڭ يشانداردىڭ بارلىق جارامسىز جۇمىستارىن  ايقىنداپ اشكەرەلەپ وتىرۋ. ءدىن ەڭبەكشىلەردى ۋلاتاتىن اپيىن. وعان قارسى كۇرەسى كومسومولداردىڭ جالپى ەڭبەكشى جاستاردىڭ مىندەتى.

 

سونداي-اق، وقىڭىز

شورتانباي قانايۇلىنىڭ سۋرەتى

«مىنا زامان قاي زامان؟ ازۋلىعا بار زامان، ازۋسىزعا تار زامان» دەپ جىرلاعان شورتانباي قانايۇلىنىڭ جىر-تولعاۋلارى …

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان