Basqı bet / Bir surettiñ sırı / Janı jännatta bolğay

Janı jännatta bolğay

Oñtüstik Qazaqstannıñ abızı, soğıs jäne eñbek ardageri Ädiham Şilterhanov atamız dünieden ötti. 4 qañtar küni janazası boldı. El bolıp wldarı men jaqındarına köñil aytıp, küñirenip soñğı saparına şığarıp saldıq. Ekiniñ biri jasaytın jas emes, Alla-tağala ol kisiniñ jasın wzağınan berse de, qimay-qimay qoştastıq, amal neşik, moyınsındıq. 

Ötken jıldıñ ayağında Mäskeudegi Imekeñ jasap bergen körmeme baratın kezimde, 14 jeltoqsanda aldınan ötip batasın alğanmın – balaşa quanıp edi. Marqwm äkem Äsilhan Ospanwlını ekeui keremet dos, jan joldas, tereñ sırlas jandar bolatın. Äkemniñ ornıñ toltıra almasa da joqtatpaytın. Mäskeuden kele sala tağı barıp körmeniñ qalay ötkenin aytıp aqsaqaldı baladay quantıp edim, kim bildi soñğı ret körisip otırğanımızdı. Meni batasız jibermeytin. Alısqa jürsem wzaq batasın berip, jay kirip şıqsam qısqa qayırsada jolımnıñ aşıq, basımnıñ amandığımdı tilep jiberetin. Qolındağı wlı, menimen qwrdas Jarqın sol kezderi auladan şığarıp salıp twrıp jiirek kelip twrşı dep ötinetin. Onşa-mwnşa kelemin kisilerdiñ betin amalsız qayırıp otırmız, tez şarşap qaladı, al sen kelip ketseñ kerisinşe marqayıp, bir serpiledi dep… Mende kelgen sayın qwr jürmey äyteuir bir jañalıq bolarlıq habar alıp, nemese jaña kitap, mümkin bolsa özimniñ tıñ jobamdı, aşqan jañalığımdı arqalap kelip wzaq sırlasatın edik. Keybirde aldımen entigip söyley almay, qinalıñqırap, demin alıp üzip-üzip söylegen soñ, men iştey şarşattım-au dep oylanım qalğanımda, birtindep söz saptauı men dausı aşılıp, bes-altı minut ötken soñ qızıp, bir uaqıtta jigitşe söyley jöneletin edi toqsannan asqan abız atamız…

Äzireti Omardıñ wrpağı, qojanıñ qırıqsadaq süyeginen şıqqan Ädiham ağamız endi kelmeske ketti. Artı qayırlı, imanı salamat bolsın dep tek artınan dwğa jasaudan basqa amalımız qalmadı endi. Balday apamız da kütip qalğan şığar, ekeuiniñ de jandarı jännatta bolğay! 

Eralı Ospanwlı

Ömirderek

Ädiham Şilterhanov 1925-jılğı 24-şildede qazirgi Törtkül auıldıq okrugine qarastı Elşibekbatır auılında düniege kelgen. Tölebi audanında orta mektepti, Almatıda auılşaruaşılıq institutın bitirdi. 1943-1944-jıldarı dañqtı Panfilov atındağı 8-i gvardiyalıq diviziyanıñ 23-i polki qwramında Wlı Otan soğısına qatıstı. Leningrad qwrsauın bwzğan şayqasta auır jaralanıp, elge oraldı. 1945-1969-jıldarı qazirgi Ordabası audanında mwğalim, Bäydibek audanında mwğalim, audandıq komsomol komitetiniñ hatşısı, audandıq gazettiñ bölim meñgeruşisi, audandıq partiya komitetiniñ nwsqauşısı, keñşardıñ bas agronomı, wjımşar partiya wyımınıñ hatşısı, wjımşar törağası boldı. 1969-1981-jıldarı Qızılqwm audanındağı Arıs keñşarınıñ direktorı, 1981-1985-jıldarı audandıq twrmıs qajetin öteu kombinatınıñ direktorı qızmetin atqardı. 1985-jıldan keyin tvorçestvolıq jwmıspen aynalısıp, ädebietimizdiñ keybir twstarın zerttep, körkem tuındılar berdi.

«Üş bäyterek», «Aqjaldıñ aqırı», «Atalı sözder», «Sattar Erubaev», «Dala men dana» kitabı jäne «Ordabası» baspasınan şığarmalarınıñ üş tomdığı jarıq kördi.

1 därejeli Otan soğısı ordeniniñ, 18 medal'diñ, Qazaq KSR Joğarı Keñesi Qwrmet gramotasınıñ, «El ağası» atalımınıñ iegeri, Ordabası jäne Bäydibek audandarınıñ qwrmetti azamatı.

Jwbayı Balday Qwlbekqızımen 5 wl jäne 1 qız ösirip tärbieledi. Barlığı da joğarı bilimdi. Nemereli, şöbereli.

Sonday-aq, oqıñız

Soğısqa barıp kelgen Qwran

Äuleli Aqköl-Jayılma meken etken Isabek işannıñ wrpağı Jandarbek qojanıñ äuletinde atanıñ öz qolımen köşirilip jazılğan …

Pikir qaldıru

E-poşta mekenjayıñız jariyalanbaydı. Mindetti örister * tañbalanğan