باسقى بەت / بىلگەن شايىر ايتادى / مۇحاممەد پايعامباردىڭ عارعا كىرگەن قيسساسى

مۇحاممەد پايعامباردىڭ عارعا كىرگەن قيسساسى

مايلىقوجا سۇلتانقوجاۇلى  

دۇنيەدە جاقسى ادامدا بولماس ارمان،

دۇنيە وپاسىز، اتادان بىزگە قالعان.

ريزا بوپ شۇكىر قىلۋ ءبىر اللاعا.

ءار  تۇرلى پاندەسىنە كەلسە پارمەن

 

دۇنيەدەن جاقسى ادام بولماس قاپا.

كورسە دە نەشە ءتۇرلى ءجابىر جاپا

قۇدانىڭ قۇلشىلىعىن تارىك قىلما.

بۇل دۇنيە ەش ادامعا قىلماس وپا

 

دۇنيەدە جاقسى دا ءوتتى، جامان دا ءوتتى

اقىرى دۇنيە كەپ بىزگە جەتتى.

ناماز بەن ورازاڭىز تارىك بولماسىن

ولمەسە كوپ ادامدار قايدا كەتتى.

 

جالعاندا بىرەۋلەر از، بىرەۋلەر كوپ

بىرەۋ باتىر بولعاندا، بىرەۋلەر بەك.

جاقسىلار اقىلمەنەن قايعىرمايدى

قۇدانىڭ قىلعانىنا مىڭ شۇكىر دەپ.

 

دۇنيەنىڭ ادام تويماس بارلىعىنا

جاقسىلار قاپا بولماس تارلىعىنا.

جالعاندا بەكەر وتكەن ءومىر جالعان

اللانىڭ مويىنسىنباي بارلىعىنا.

 

ادامزات اجال جەتسە ولەتۇعىن

جازۋدى پەشەنەدە كورەتۇعىن.

اللاعا تاۋبە قىلىپ جۇرە بەرمەك

ەش پايدا جوق قايعىدان ونەتۇعىن.

 

بەس كۇن جالعان دۇنيەدە ساقىلىقتان

قولدا دۇنيە بار بولسا بەرەتۇعىن

ازاپتانىپ جيعان مال، قاتىن بالا

ولسەڭ ساعان ءبىرى جوق ەرەتۇعىن.

 

ناماز بەن ورازاڭ تارىك بولماسا

قارا كورگە شىراعىڭ بولاتۇعىن.

ءجانناتتان نەشە ءتۇرلى نىعىماتى كەپ

بالە دەگەن كوپ راقىم قىلا تۇعىن.

 

ءسوزىمنىڭ جىگى اشىلىپ

شىققانداي بولدى قاياۋى

سال سۇيەك بولعان كەزىمدە.

جايلاعانداي جان بۇلت.

قالامدى قولىم المايدى

جۇرەگىم قاپتى شايلىعىپ.

ءجانا ءبىر داستان جازعالى

قالام الدىم قولىما.

وسىلايشا وي قىلىپ

قۇدانىڭ دوستى – مۇحاممەد

كورىپ ەدى ۇلدارىن.

سيپاعان ەمەس ماڭدايىن

بىرىنە ايتىپ جاقسىلىق.

كۇندەردە ءبىر كۇن بولعاندا

اينالىپ بەتتەن ءسۇيدى ءبىر

وزىنەن ءوزى سۇس بولىپ.

اق بەتىنەن كەتتى نۇر

پارمەنىنەن سول ۋاقتا

اللادان كەلگەن حابار بۇل.

قۇدايىڭ سولاي ايتتى دەپ

حابار بەردى جابىرەيىل.

پەرزەنتىن ءسۇيدى مۇحاممەد

ۇمبەتىن تىلەك قىپ ەدى

ءبىر كەۋدەگە سىيمادى

دوسىمنىڭ ەكى تىلەگى.

ءپارۋايىش قىلسىن بالاسىن

ۇمبەتىڭنىڭ ءبارى دە

دوزاققا ەندى كۇيەدى

وسى ءسوزدى ءبىلدىرىپ

جابىرەيىل كەتتى جايىنا.

قاپا بولدى قاباھات

ءار قيال ءتۇسىپ ويىنا.

دەنەلەرى دىرىلدەپ

تۇسپەدى جوقتاۋ ويىنا.

بەت الدىنا جونەلدى

كوزىنىڭ جاسىن توگەدى.

اۋزىنان شىقسا ەكى ءسوز

ۇمبەتتەن باسقا دەمەدى

مادينەدەگى اراپقا

بىلىنبەي كەتتى دەرەگى.

اۋەلگى شىققان بارا-بار

ءبىر تاۋعا كەلدى ەڭىرەپ

كورمەگەن ادام جەر ەدى

ءبىر ۇڭگىرى بار ەدى.

ءتۇبى الىس جانى كەڭ

ەش ادامعا كورىنبەي

سول تاۋعا كەلىپ ەنەدى.

ۇمبەتىم دەپ جىلادى

كۇناسىن اقتان سورادى.

توپىراققا سالىپ بەتتەرىن

ەكى الامنىڭ شىراعى

جىلاپ جاتىر اق پايعامبار.

مادينەدەگى اراپتان

ازىراق بايان قىلايىق

راسۋلنىڭ 9 زايىبى

پايعامباردىڭ جوعىنان

ءبارىنىڭ بولدى پايىمى.

شاقىرىپ الىپ ءپاتيمانى

الىسلار ايتتى جايىنى.

ايتقان ءسوزى بۇل ەدى

اتاڭىز كەشە ازاندا

پەرزەنتلەرىن ءسۇيدى ءبىر

وزىنەن-ءوزى سۇس بولىپ

اق بەتىنەن كەتتى نۇر.

قاراساڭ بۇگىن اتاڭ جوق

بۇل قالايشا بولدى سىر.

ءپاتيماجان بۇل قالاي

جوعالتتىڭ بۇگىن اتاڭدى،

سىزگە حابار جىبەردى

ايتقالى وسى اۋحالدى.

ەش ادامعا بىلدىرمەي

قىلادى قايدا ساپاردى.

ۋداي اشىپ تىرناعىم

دەنەمنىڭ ءبارىن ءورت الدى.

توڭىرەكتىڭ ءبارى جاۋ

ءتىرى بولسا اتاڭىز

ءسىرا دا ەمەس دەنى ساۋ.

كوڭىلى اۋىپ سولارعا

جالعىز ءوزى كەتتى مە

بولماسا قايدا كەتەدى.

ءتۇزىنى مۇنان كوتەردى

كوزبەنەن انىق كورمەسە

ءبارىنىڭ ءسوزى بەكەر-ءدى،

تاعدىردىڭ بولماس ءتابدىرى

پەندە شىركىن نەتەدى.

مۇنى ەستىپ ءپاتيما

ادامعا قامقور اتام دەپ

جوعارى داۋسىن كوتەردى.

اسپان جامان كۇڭىرەنىپ

ءار جەرگە داۋسى جەتەدى.

بارشا حالىق ەسىتىپ

نە قىلعان داۋىس دەسەدى.

ساھابالار ەسىتىپ

جۇگىرىپ كەلدى مەشىتكە.

جۇرەكتەرى دۇرسىلدەپ

دەنەلەرى دىرىلدەپ

قاراپ بوپ كەتتى سول ۋاقتا

شاھاردىڭ ءىشى قيمىلداپ

قاي بىرەۋلەرى جىلاماق.

اسپاننىڭ جاڭعىرىققانىنان

قۇلاقتارى شىڭىلداپ

بۇلار ءبۇيتىپ جاتقاندا

ارىستاننىڭ الدىنا

ايىمدار كەلدى شۋىلداپ.

ءالى مۇنى ۇعادى

ايتا بەردى ايىمدار

كوڭىلدەگى ءتۇيىندى.

بۇلاردان باسقا ادامنىڭ

مەشىتكە ءبارى جيىلدى.

مۇنى ەسىتىپ ءالىنىڭ

كوزىنەن جاسى قۇيىلدى.

نە دەسكەنىن قايتا ايتشى دەپ

ەڭسەسى ەكى ءبولىندى.

ايىملار قالدى قىدىرىپ

قارادى شەرى تىگىلىپ.

بۇلار ءبۇيتىپ جاتقاندا

ارىستاننىڭ الدىنا

ءپاتيما كەلدى جۇگىرىپ.

سويلەي بەردى شەرىگە

كوزىنىڭ جاسى توگىلىپ.

ە، تاقسىر بايقادىڭ با ءىستىڭ ءتۇرىن،

زامانا ءبىز سورلىعا كەلدى-اۋ قىرىن.

بولىپتى بۇگىن تۇندە اتام عايىپ

بىرىنە ايىملاردىڭ ايتپاي سىرىن.

ۋاقتا كەشە وسى سۇس بولىپتى

الدىنا شاقىرىپ اپ ءسۇيىپ ۇلىن.

بەتىنەن باسىن ءسۇيىپ، وپكەن ەمەس

دايىمى بايقاۋشى ەدىڭ بۇدان بۇرىن.

وسىنداي ءبىر ءىس بوپتى تاڭعاجايىپ

ۇرلانىپ، عارىپ اتام بولدى-اۋ عايىپ.

بارىندە توڭىرەكتىڭ دۇشپان ەدى

ۇرلانىپ اجەپ ەمەس قىلسا مايىپ.

كەتكەنىن قايسى جاققا بىلە المادىم

قانشاما بولسا-داعى 9 زايىپ.

دۇشپانداردىڭ كوز الدىندا قىلماسا دا

سىرتىنان جۇرگەن ەكەن تورىن جايىپ.

ءپاتيما وسىلاي دەپ ەدى

كوز جاسىن شەرى توگەدى.

جوعارى مەن تومەنگە

جيىلىپ بولدى جاميعات

كۇن ساسكەگە كەپ ەدى.

مەشىتكە  كەلگەن ادامدار

بۇل ىستەن بولدى بەيحابار.

پايعامباردىڭ جاقىنى

ءابۋ باكر، ەر ومار

ءال اۋحالىن سۇرادى.

باستارىن قوسىپ شاريار

ءمالىم بولدى بارشاعا

بولدى دەپ عايىپ پايعامبار

اھ پايعامبار قۇدا دەپ،

جيىلدى شۋلاپ جاراندار.

اسپان جامان كۇڭىرەنىپ

كۇيزەلدى كوكتە جانۋار.

داريالار اقپاي توقتالىپ

تەبىرەندى جاھان سول زامان.

كۇننىڭ كوزى تۇتىلدى

18 مىڭ الامدا

قانشاما كوپ ماقۇلىق

قاباقتارى شىتىلىپ

بۇل قايعىنىڭ بەرتىنەن

قيامەت قايىم سىقىلدى

تاۋ مەن تاستار قوزعالىپ

ءبىر-بىرىنە ۇمتىلىپ

قاراڭعىلىق بوپ كەتتى.

نە ەرلەر جاننان ءتۇڭىلىپ

اھ پايعامبار قۇدا دەپ

ءار جەردەن دىبىس ءبىلىنىپ

قاق جارىلىپ قارا جەر

تاسپاداي كەتتى ءتىلىنىپ.

جاڭبىرداي بولىپ مايدا تاس

نە تاۋلار قالدى جىعىلىپ.

جابىرەيىل ايتتى ءبىر اللا

توقتاتقىن دەپ ولاردى

كەتپەسىن جاھان بۇزىلىپ.

باسقالارعا كورىنبەي

شاريارعا ءبىلىنىپ.

قىلىڭىزدار ماسليحات

باستارىن قوسىپ جيىلىپ.

حابارىن ايتىپ اللانىڭ

جابىرەيىل قايتا سامعادى.

الىك ۇكىمنىن ءبىلدىرىپ.

ايقايلاپ التى جاماعات

جيىلعان بارشا قالايىق

مانىسىنە قانالىق.

جەر جۇزىندە پاتشا كوپ

بارىنە حابار سالايىق.

بىلمەيمىز دەگەن پاتشانىڭ

تىلىنەن ءتىلحات الايىق.

بىلىنسە ەگەر ارتىنان

ءبىر دە ءبىرىمىز قالمايىق.

ول كاپىردىڭ حالقىنان

كوپ كاپىر نابىت بوپ ەدى.

ول كاپىردىڭ حالقىنان

جاتىر ەدىڭ بەيحابار

تيمەيمىز دەگەن شارتىمەن

بىلمەيمىز دەسە كاپىرلەر

سەندىرەر ءبىزدى انتىمەن.

اگار اتام جوق بولسا

وسى اشۋدىڭ كەرتىنەن

بارىنە جازا بەرەيىك.

نە بولماسا ولەمىن

ەندەشە ماعان توقتاۋ جوق.

اتامنىڭ بىلمەي دەرەگىن

الىشەر وسىلاي دەپ ەدى

بارشاسى ماقۇل كورەدى.

مادينەدەگى بارشا حالايىق

جيىلىپ ءازىر بوپ ەدى

ۇلكەن كىشى دەمەدى.

قارايمىز دەپ راسۋلنى

قول ۇستاسىپ جونەلدى.

نەشە كۇن-ءتۇن قارادى

بىلىنبەي كەتتى دەرەگى.

دالادا جۇرگەن قوي باعىپ

ءبىر شوپاندى كورەدى

تىلدەسكەلى ازىراق

قاسىنا جاقىن كەلەدى.

جول بولسىن نەعىپ ءجۇرسىڭ دەپ

شوپاننىڭ ايتقان ءسوزى ەدى:

تاۋدا ادام، پۇتادا ادام، دالادا ادام

ورمەلەپ تاۋعا شىعىپ بارار تامام.

بولماسا قيسىق قىڭىر، مەرتىك، شارتىق

قالماعان بۇكىل دۇنيەدە بار ما ادام.

 

مۇنشا ادام نە سەبەپتەن شىققان تۇزگە

كىسىدەي ءۇڭىلىپ ءجۇر ءتۇسىپ ىزگە.

اق ءجۇزدى قىزىل بالا شىرىن ءسوزدى

ءمانىسىن بۇل جۇمىستىڭ ايتشى بىزگە.

 

جاقسىلار ءسىز بولارسىز قايسى حالىق

نە قىلعان ادامسىزدار ءتۇسىن سارىق.

جۇمىس بار قانداي قام كۇن كوڭىلىڭىزدە

جىلايسىڭ كوزىڭىزدەن جاسىڭ اعىپ.

 

جاۋ الىپ ءبىر شاھاردى تالادى ما

بارادى جەردىڭ ءجۇزىن ادام الىپ.

جاتقالى مەن بۇل جەردە تالاي بولدى

ەشكىمنەن بىلە المادىم حابارلانىپ.

 

ءپاراندا، ءپاراندالار ەرتە كەشتە

ءار زامان تاۋعا بارىپ قىلار جاڭعىرىق.

شات ەمەس جاھانداعى جانۋارلار

دەمبە دەم تاۋعا شىعىپ قىلار جاڭعىرىق.

 

كوزىنەن بىردە تىيماي جاس اعادى،

سولقىلداپ كوڭىلدەر بوسانادى.

سىزدەردەن مۇنىڭ جايىن سۇرايمىن دەپ

مەن ويلاپ بىلمەي قالدىم وسى ارانى.

 

ۇشقاندا ءپاراندالار كورىپ قالدىم

كولدەگى ماسامەنەن سوناداعى.

كورگەنىن شاريارعا بايان ەتتى

وسىنداي شوپان ايتتى ماسەلەنى.

 

ءالى ايتتى شوپان ءوزىڭ تاۋعا جايىپ

جۇمىستى اللا بىلەر ىلمە عايىپ.

بەيشارا وسىنشاما ءىس وڭلاپسىڭ

الىنشە دانا ەكەنسىڭ اقىلىڭ سايىپ

 

اراپپىز مادينەدەگى ءاسىل ءناسىلىم

ەش ۋاقتا جوق قاراعان بولماس ايىپ.

سول ءۇشىن وسىنشا ادام ساندالىپ ءجۇر

دۇنيەدەن بولدى عايىپ ۇستىن تايىپ

 

شوپانىم سەن سۇراساڭ ايتايىن سىر

ءبىر كۇندە عايىپ بولدى مۇحاممەد نۇر.

ساندالىپ وسىنشا  ادام كۇندىز-ءتۇنى

دەرەگىن سول كىسىنىڭ تابالماي ءجۇر.

 

سەن مەنەن اۋەلىمنەن سۇرادىڭ حابار

مەن سىزگە ايتاتۇعىن ارىزىم بار.

بەرەيىن نە تىلەسەڭ العىن بابا

تابىلسا ەسەن امان اق پايعامبار.

 

قاي پاديشا قاي قالىقتىڭ ادامىسىڭ

اۋەلى ءوز ءناسىلىڭدى قىلعىن بايان.

وسىنشا اڭعارىپسىز اديسانى

بايقاسام ءسىز ادامدا ىقىمات بار.

 

ءجون باعىپ كۇندىز-ءتۇنى جۇرگەن بولساڭ

بۇل تاۋدا ۇڭگىر تەرەڭ بار ما ەدى عار.

بار بولسا ەكەۋمىز دە بارىپ كەلسەك

جاماعات قويدى باعىپ تۇرىڭىزدار.

 

قونسىنا شوپان بابا قويدى قولدى

قىلعان سوڭ، ءالى ايدار ءسوزدى وڭدى.

 

ە، تاقسىر اللا باۋىر ءوزىم اتىم

داشتەگى وزبەك دەيدى ءاسىل زاتىم.

باققانىم كىسى مالى  كۇنىم ءبىتتى

وزىنە تاپسىرايىن اماناتىن.

ونان سوڭ ءسىز ەرىڭىز مەن باستايىن

جينالسىن الدى ارتىڭ جاماعاتىڭ.

 

ءبىر ۇڭگىر كورىپ ەدىم ءتۇبى تەرەڭ

ىشىندە نە بار نە جوق سۇرا مەنەن.

ۇشقان قۇس ءار زاماندا سولاي قاراپ

ۇشادى ءبىرى جوعارى ءبىرى تومەن.

 

ىشىنە كىرە الماي، ۇڭىلەدى،

الىستان تۋرا قاراپ تىگىلەدى.

وت وتتاپ جاتقان مالىم سۋ ىشپەستەن

ءار زامان سوعان قاراپ جۇگىرەدى.

اڭعارىپ باستان اياق ءىستىڭ ءتۇرىن

ينشاللا وسى ارادا بىلىنەدى

ءال ازىرەت اجەپ ەمەس عارعا كىرسە

جاقسىلار اڭعارىڭدار تۋرا كەلسە.

شوپان وسىلاي دەگەن سوڭ

ءابۋ باكر مولدا وسمان

ازىرەت ومار ارسلان

قالارمىز بارساق كەشىگىپ

اللانىڭ حابار دىبىسىنان.

قاراپ تۇرساڭ جاماعات

قول ۇزبەي قويدى باعىستان.

اۋەلگى ءسوز التىندى

توقتاتپا جانىم قارقىندى

ازىرەتتىڭ جوقتىعى

قىلىپ ءجۇر سارساڭ اركىمدى.

قىزىرعا مەگزەت بابامىز

بىلمەۋشى ەك بۇرىن پارقىڭدى.

توقتاۋسىز بارساڭ وسىدان

باعاسىز قىلىپ نارقىڭدى.

الىشەر وسىلاي دەپ ەدى

شوپان دا ماقۇل كورەدى.

قويدى شوپان تاستادى

سوڭىنان ەرە باستادى.

ءار ءتۇرلى ماقۇلىق جينالعان

ءبىر ۇڭگىرگە كەلەدى.

الىشەردىڭ سول ۋاقتا

ماقۇلىققا ايتقان ولەڭى.

ەندىگى ءسوزدىڭ اياعى

سول جەردەن شىقتى دەرەگى.

وسىنشا ماقۇلىقتار جينالىپ تۇر

كوز جاسى بارشاسىنىڭ قۇيىلىپ تۇر.

كەلىپسىز ءار تۇرلىدەن جان جانۋار

سىزدەردى كىم شاقىرىپ بۇيىرىپ تۇر.

جىلايسىڭ ءبارىڭ ءامما نالا قىلىپ

جۇمىسقا اللا قانداي بۇيىرىپ تۇر.

الامنىڭ 18 مىڭ ءبارى قام كۇن

 

وسىلاي دەپ ازىرەت ءالى قىلدى نالا.

شەگىنىپ جول ايىردى سول ارادان

ە، اللا ازىرەتكە قىل دەپ دۇشار

ۇڭگىرگە قويدى قادام شەرى قۇدا.

ۇڭگىرگە ازىرەت ءالى كىرىپ كەتتى

جان-جاققا سول ۋاقتا نازار سالدى

دەنەسىن پايعامباردىڭ كورگەن شاقتا

اھ دەپ اقىلىنان تانىپ قالدى.

ادامعا دالاداعى داۋىس باردى

ساستى دەپ شەرى قۇدا شامالادى.

ۇڭگىرگە ول تورتەۋى كىرگەن شاقتا

كورەدى پايعامباردى سول ۋاقتا.

تورتەۋى اقىلىنان بىردەي تانىپ

ءالى ەسىن جينادى ءبىر ۋاقىتتا.

الدىنا ءابۋ باكىر باردى جىلاپ

ە، تاقسىر نە بولدى دەپ ءالىن سۇراپ.

ازىرەت توپىراققا اۋناپ جاتا بەردى

سىدىقتىڭ ارىزىنا سالماي قۇلاق.

بۇل ىسكە ءابۋ باكىر قاپالانىپ

راسۋلىنىڭ باسىن سۇيەپ جاقىن بارىپ.

الدىنا بارىپ تۇرىپ ءسوز سويلەيدى

كوزىنەن قاتار قاتار جاس تامىپ.

سىدىقتىڭ سول ۋاقتا ايتقان ءسوزى

ە، تاقسىر نە بولدى دەپ ايقاي سالىپ:

اينالايىن اق پايعامبار

الىڭە قانداي بەرگىن ءتىل.

كەلىپسىز مۇنداي قالەتكە

بۇل قالايشا بولدى سىر.

توپىراققا اۋناپ باسىڭىز

كوزىڭنەن اققان جاسىڭىز.

اق بەتىڭنەن كەتتى نۇر

ەكى الامنىڭ شىراعى

بۇل ءسوزىڭدى بايان قىل.

اۋەلى مۇنداي ءىس بولدى

اقىر بەرسىن اكىمقۇل.

دەنەدەن جانى شىققانشا

سىر بەرمەيدى ءمارت ۇعىل.

ءسىزدى جوقتاپ ۇڭگىرگە

قانشا كىسى كەلىپ تۇر.

سىدىق وسىلاي دەپ ەدى

اق راسۋل سوزگە كەلەدى.

ءوز دەرتىن اركىم بىلەر دەپ

سىدىققا بىرەر ءسوز دەگەنى.

شىراعىم بۇل سوزىمە قىلماعىن قاس،

جاناشىر جاقىن تۇرسىز ءومىر جولداس.

قىلماسا قۇداي وپا كەسەلىم زور

بولادى ءالىم قانداي ايتىپ بولماس.

كەشتىم دەپ قۇداي ءوزى بىلدىرمەسە

كوزىمنەن مەن وتەمىن اعىزىپ جاس.

 

ۇممەتىم ءجۇرۋشى ەدىم ءجاناتى دەپ

ىلگەرى وزگەلەردەن ءالباتتا دەپ.

كوڭىلىمە اللا كاتتا سالدى جارا

ۇممەتىم شىن بولدى ما دەپ كۇناسى كوپ.

 

بىلمەسەم مۇنان حابار تۇرۋىم جوق

كوڭىلىمدى باسقا جاققا بۇرۋىم جوق.

كوڭىلىمدى اللا ءوزى شات ەتپەسە

دۇنيەدەن كۇلىپ ويناپ جۇرەرىم جوق.

ءوز دەرتىم وزگە بىلمەس بىلەر ءوزى

بۇل ءىستى حالىققا اشكەرە قىلۋىم جوق.

وسىلاي دەپ پايعامبار

كوتەرمەدى كەۋدەسىن

اشپادى ءسوزدىڭ پەردەسىن.

تاعى دا سىدىق سويلەيدى

اعىزىپ تۇرىپ كوز جاسىن.

پايعامبارلار الىپ تۇر

بۇل دۇنيەنىڭ اممەسىن.

بۇل قالايشا بولدى سىر

جولداسىڭ دەيدى جابىرەيىل

باسىڭدى كوتەر پايعامبار

ۇممەتىڭنىڭ جولىنا.

ساداعا بولسىن مال باسىم

ايتپادىم تىرلىك جالعاندى

قايىر قىلدىم اركىمگە

اللادان جيعان مالىمدى

سارىپ قىلدىم اق جولعا.

اللادان جيعان اقشامدى

ساۋابى بولسا سولاردىڭ

ۇمەتىڭە باعىشلاپ

ساۋابىنا جالعاسىن.

ماڭدايداعى پارمەندى

قۇدايى قىلدىم كاللامدى.

ماھشيەردە تاعى جاردەمدى.

وسىلاي دەپ بۇل سىدىق

تۇرىڭىز دەپ وكىردى.

وي ۇممەت دەپ پايعامبار

سىدىققا جاۋاپ بەرمەدى.

قولىن قويىپ كوكسىنە

ازىرەت ومار كەلەدى

تىزە قوسىپ ەكەۋى

وسىلاي سويلەي بەرەدى.

ءبىلىڭىز تاقسىر مەن ومار

شاھاردىڭ ءىشى بوس قالدى.

ءسىزدى ىزدەپ جاراندار

اسپان  جامان كۇڭىرەنىپ

كۇيزەلدى كوكتە جانۋار

كۇڭىرەنىپ سۇس بوپ جىلايدى.

بالىقتار سۋدىڭ تۇبىندە

ازىرەت دەگەن سانا بار

سىزدەن باسقا جاۋاپ جوق

ماقۇلىقتىڭ تىلىندە.

اشكەرە قىلىپ حالىققا

ەگەر ابەس بولماسا

قىلۋشى ەدىم تۋرا ءىلىمدى

تۋرالىقپەن وتكىزدىم

دارگايىندا ءوزىڭدى.

ءومىرى قايىر جۇمىسقا

سارىپ قىلدىم سان شابۋىلىمدى

قۇداي قابىل ويلاسا

ساۋاپ قىلدىم مۇنىمدى.

الىمشە جاردەم قىلايىن

ماھيەشەردىڭ كۇنىندە

تاۋ قاباقتاپ جۇمالاپ

كۇللى جاھان بۇزىلدى.

ناۋبەتىندە بۇل ءىستىڭ

كەي ناداندار قىرىلدى.

بولماي ما مۇنىڭ وبالى

بۇل قايعىدان جەتىپ تۇر

ايۋاندارعا زالالى.

ەكى الامنىڭ شىراعى

دارەجەڭە ىنتىزار

ماقۇلىقتىڭ تامامى.

ەكى الامنىڭ شىراعى

باسىڭدى كوتەر جوعارى.

پايعامبارى قۇدانىڭ

بۇعان دا جاۋاپ بەرمەدى

قولىن قويىپ كوكىنە

مولدا وسمان كەلدى شامالى.

پايعامباردى قۇشاقتاپ

كوزىنىڭ جاسى بۇرشاقتاپ،

جالىنىپ تۇر زار ەڭىرەپ

تۇر ايتالماي قيپاقتاپ.

وقيسىن دەدى قۇراندى

ارىپتەرىن سيپاتتاپ.

29 ءارىپتى قىراحاتتاپ وقىدىم

شىعارىپ تۇردىم اجەتىن.

ازات قىلىپ جىبەردىم

سالىپ الىپ نەشە قۇلداردى

قۇداي قابىل ويلاسا

اجەتتى قىلدىم نەشە جىل

سولاردىڭ بولسا ساۋابى

ۇممەتىڭە بەرەيىن

باسىڭدى كوتەر اق راسۋل.

وسمانعا سوندا پايعامبار

وسىلايشا بەردى ءتىل:

 

ءوز دەرتىن وزگە بىلمەس، بىلەر ءوزى

ادامنىڭ ارقالايشا بار مىنەزى

كۇناسىنىڭ ۇممەتىمنىڭ اقتان سۇرا

وسىلاي پايعامباردىڭ ايتقان ءسوزى.

 

شيپاسىن بۇل كەسەلدىڭ قىلا المايمىن

پازىلمەن كەشىرمەسى اللاتاعالام.

قىلماسا ءوزى وپا جاراتقان حاق

ورانىپ تۇر كوڭلىمىزگە قايعى مەن قام.

اقىڭا ءبىرادارلار ىرزا بولعان

ءلاززاتىن بۇل دۇنيەنىڭ بەردىم ءبارىن.

وسىلاي دەپ پايعامبار

وسمانعا جاۋاپ بەرمەدى.

ۇممەتىم دەپ قىلىپ زار

اق ماڭدايى جارقىلداپ

كوزىنىڭ جاسى تامشىلاپ

الدىنا باردى ءالى ايدار.

سوزىنە قۇلاق سالعىن دەپ

ءىلتيپات قىلدى پايعامبار

قۇشاقتاپ باسىن سۇيەدى

ەزىلىپ كەتتى سۇيەگى.

ەڭسەسى ەكى ءبولىنىپ

ماڭدايى جەرگە تيەدى

شەرىم دەپ جەتى جاسىمدا

دايىمى ەرتىپ قاسىڭا

نەشە قاۋعا سالدىردىڭ

كاپىرلەردىڭ باسىنا

قايتپاعان دىننەن قايساردى

الىمشە قىلدىم اشىنا.

كوبىسىن دىنگە كىرگىزىپ

اق بۇيرىعىن بىلگىزىپ

نەشە شاھار حالىقتى

اققا مويىن ۇسىنتىپ

قۇدايعا ءتاھام قىلدىرىپ

پۇتحاناسىن بۇزدىرىپ

ورىنان مەشىت تۇرعىزىپ

باستى قىلدىم ءپارۋانا.

ءمالىم بولدى حالىققا

قاراستىم اش پەن ارىققا

نە دۇنيە تۇسسە قولىما

قايىر قىلدىم كارىپكە.

اشتىڭ قارنىن تويعىزىپ

جاۋلارعا بولدىم ات

قام كوڭىلدى قىلدىم شات.

وسى قىلعان ءىسىمدى

ساۋاپقا جازسا قۇدىرەت

ۇممەتىڭە بەرەيىن

باسىڭدى كوتەر مۇحاممەد.

وسىلاي دەپ الىشەر

تۇرىڭىز دەپ قىلدى زار.

الىگە ايتقان ءسوزى بۇل

كوتەرىپ باسىن پايعامبار:

 

جاسىڭنان بىرگە ءوستىڭ ءالى شىراق

ماقۇل دەپ نە ءسوز ايتسام سالدىڭ قۇلاق

نە دەسەم ورنىنا كەلتىرەسىڭ

بولىپ تۇرمىن ءازىر سىزدەن جىراعىراق.

كوڭلىمدى اللا ءوزى شات ەتپەسە

دۇنيەدەن كۇدەر ءۇزدىم مەن دە شىراق.

 

مەن ءازىر بۇل دۇنيەدەن تۇرمىن جەرىپ

ىشىمە ءتۇسىپ جارا كوڭىلىم ەرىپ

تىلەكتىڭ وسى كۇندە ۇستىندەمىن

ەش ۋاقتا باس بۇرمايمىن كوڭىل ءبولىپ

كوڭلىمدى اللا ءوزى شات ەتپەسە

سول كۇيمەن اجەپ ەمەس كەتسەم ءولىپ.

دۇنيەنىڭ لاززاتىنەن ءۇزدىم كۇدەر

بەرمەسە ۇممەتىمدى حاق كوشىرىپ.

ازىرەتىم توپىراققا اۋناپ جاتا بەردى

شەرىگە وسىلايشا جاۋاپ بەرىپ.

 

قانشاما ازىرەت ءالى قىلدى نالا

اتاما قۋات بەر دەپ اللا تاعالا.

ۇڭگىردىڭ بارشا ادام اۋزىڭدا تۇر

جيىلىپ كارى قارتاڭ بالا شاعا.

حابار جوق تورتەۋىنەن نە بولدى

سەكىلدى قيال كىرگەن پاتيماعا.

ولارعا ءوزىم تۇرىپ بارايىن دەپ قويدى قادام

بيبىمەن بىرگە كىردى قالعان ادام.

قۇشاقتاپ پايعامباردى ايتقان ءسوزى

جانىنا پايعامباردىڭ كەلگەن زامان.

بولمادى بىزگە راحات

بولدى شاھار كاباھات

قايرىلماستان حالىققا

قانداي ءىس بولدى جاميعات.

حالىقتان قاتە ءوتتى مە

اسەرى سىزگە جەتتى مە؟

ءبىر اللا ءوزى بەيمالىم

كۇناھار پەندە كەتتى مە.

جات ەتەمىن قۇدايا

قانداي ءىس بولدى-اۋ زامانا.

بەي وپا قىلىپ حالىقتى

ءوزىڭدى تارتىپ پاناعا

پايىمىنا بارالماي

ۋايىم ءتۇستى امماعا.

ىزىڭىزگە زار بولدى-اۋ

كەلىپ تۇر قاتىن بالا دا.

اشكەرە كۇنا قىلمادى

وتپەسە ابەس ءمۇبادا.

قولىمدا بولسا دۇنيە

قىلىپ تا ءجۇرمىن ساداعا.

ۇممەتىڭە مول جانىم

ساداعا بولسىن جانادا.

مەنىڭ ساۋاپ ءىسىمدى

ۇلەسىپ الىسىپ بارشاسى

سىزگە دە ۇممەت جاميعات

حالحالا بوپ كەتپەسىن

جان اتا شىقتى دالاعا.

اق راسۋل ەندى سويلەدى

شىراعى جىگەر كۇشىم دەپ

ءوز قامىن اركىم جەسىن دەپ.

باسىما تۇسكەن ءىس اۋىر

سۇرايسىڭ مەنەن نەسىن دەپ.

جاتا كەتكەن سەكىلدى

ءوز قامىن اركىم جەسىن دەپ.

ءبيبى ءپاتيما ال سوندا

تازا دارەت ەتەدى

ءمىناجات اققا ەتەدى.

راحىمەن ەتەر ءبيبى بار

دارگاھىدا قىلدىم زار.

ءوزىڭ وپا ەتپەسەڭ

بيبىڭىزدەن كەتتى-اۋ ءال.

ەشكىمگە جاۋاپ بەرمەيدى

ۇڭگىرگە كىرىپ پايعامبار.

دۇنيەدە بارشا حالايىق

جىلايدى شۋلاپ جاراندار.

بۇل جۇمىستىڭ زارىنەن

قايعىردى بارشا ايۋان مال.

شىعىپ كەتتى قالادان

مۇسىلمان قاۋىمى جاراندار.

اسپان جامان كۇڭىرەنىپ

بۇزىلۋعا قالدى-اۋ ساپ.

الامعا قامقور ءوزىڭسىڭ

بۇل قايعىعا نە امال

ءوتىنىپ ءوزىم سۇرانىپ

جۇباتۋشى ءسىز ەدىڭ

اگار وپا ەتپەسەڭ

تىرلىكتەن ءۇمىت ۇزەمىن.

ۇممەتىنە اتامنىڭ

جانناتتان جايدى تۇزەگىن.

قىلماعان ءنابىت ە تاقسىر

ءابۋبىنىڭ قىزى ەدىم.

قىلمادىم كۇنا كورىنىپ

قىلماعان ءنابىت بىرەۋ بار

اتامنىڭ ۇممەت پەندەسىن.

جەتتى دوزاق جەرىنەن

ون سەگىز جاس ىشىندە

قوسقايسىڭ ءۇردىڭ قىزىنا

ازات قىلعان دوزاقتان.

اتاما ءۇممات پەندەسىن

حابارىن ايتىپ ءوزىنىڭ

داراحىنا ەركىن وسكەن

پەرزەنتى ەدىم دوستىڭناڭ

ۇيالتا كورمە مۇحاممەد.

وسىلاي دەپ قىلدى جات.

راسۋلدىڭ 9 زايىبى

اۋمين دەپ تۇر ەدى

سول ۋاقتا ءزىل زالال

جابىرەيىلگە ءامىر ەتەدى.

ءسۇيىنشى بەرسىن ءپاتيما

پاتيمانىڭ تىلەگىن

قابىل قىلدى زۋل جالال.

دالاعا شىعىپ ەسىتكىز

شاتتانىپ بارشا جاندار

پەيىشتەن ەسىك اشىلىپ

جانناتقا نۇرلار شاشىلىپ

راۋشان بولدى بۇل زامان.

شاتتانىپ ءبيبى ءپاتيما

بۇل ىستەن بولدى حاباردار.

دۇنيەدەن راۋشان بولعانى

اڭعارا قالدى ادامدار.

سول ۋاقتا پايعامبار

جۇگىرىپ شىقتى دالاعا

پەيىشتەن ەسىك اشىلىپ

نۇر جاۋدى ارزا ساماعا.

اسپاننان ءتۇسىپ پەرىشتە

سىيمادى ءداشتى دالاعا.

پايعامباردىڭ ايتقانى

سول ۋاقتا امماعا:

ايتامىن بارشاڭىزعا ارنايى حات

قىلىپ ءجۇر ءبىر-بىرىنە ىزەت قۇرمات.

ادامعا كارىپ مۇسكىن جاردەم بەرىپ

كوڭىلىن جەتىمدەردىڭ ويلاعان شات.

اللانىڭ بەرگەنىنە قاناعات قىل

كوردىم دەپ كەدەيلىكتى قىلماعىن دات.

قىلماعىن قيامەت پەن زورلىق بيلىك

پاك وتكىز ءومىرىڭدى نەشە كۇندىك

بەت الدا بەس الامان ءىس قىلماعىن

ءاربىرىڭ ىنتىماقپەن قىلىپ بىرلىك.

ۇممەتىم ينشاللا كورمەس ازاپ

الىنشە جازا تارتار كاپىر كاززاپ.

تىلەدىم ۇممەت ءۇشىن يا بىرەۋ بار

جەتكىزدىم مۇراتىما اق بىرەۋ بار.

شىنىندا مۇحاممەد ءرات كورمەك

ءالباتتا ءىنى بوپتى جاقسى جاندار.

باقپاسا قاراماسا كوپ قاتا بار

ەش پەندە ەپتىلىكپەن باي بولا ما

قۇدانىڭ پەشەنەگە جازعانى بار.

بولادى تاكاپپارلىق جاميعات

بولىڭدار كىشىپەيىل ازاماتتار.

كوڭىلىن قايتارماعىن سۇراعاننىڭ

دوزاققا سانا بولار جانى اشىر.

وسىلاي دەپ پايعامبار

قول ۇستاسىپ جۇرەدى

باستارىن قوسىپ شاريار

يا مۇستافا ازىرەت دەپ

شىعاردى داۋسىن بارابار.

قويشىنىڭ ۇستاپ قولىنان

سويلەيدى ءاندا ءالى ايدار.

ءسىزدى ىزدەپ نەشە كۇن

بولمادى ەشبىر حاباردار

ساسقاندا وسى شوپاندى

كەز كەتىردى بىرەۋ بار.

بىرەۋدىڭ ەكەن شوپانى

اتىن ابدەن سۇرادىق

مال وپا دەپ اتادى.

ايتۋعا شوپان بولماسا

قاسيەتتى قىزىر قاتەردى

ءسوزدىڭ ارتىن ايتقالى

دالاعا قويدى تاستادى

ۇڭگىرگە ءبىزدى باستادى.

پايىمى ارتىق اركىمنەن

وزبەك ەكەن داشتەگى

نە تىلەسە بەرمەكشى ەم

امان كورسەم ءجۇزىڭدى

شۇكىر اللا قۇدايعا

كەز قىلدى ءبىزدى وزىڭە.

قويشىنى قانداي قىلامىن

مۇقتاجىن اقتان سۇراڭىز

قولدان كەلەر ءىس بولسا

بۇدان اياپ قالماڭىز.

قۋانتىپ ەدى حالىقتى

كوڭىلىن قاپا قىلماڭىز.

پايعامبار ءاندا سويلەدى

شوپاندى سوزگە سالادى

نە تىلەسەڭ العىن دەپ

جىلى حابار قىلادى

ەسىتتىرىپ جىلى ءسوز

قۋانتىپسىڭ ءاممانى.

پايعامبار وسىلاي دەگەن سوڭ

شوپان دا سابىر قىلمادى.

مۇراتىم بار بەرسەڭ دەپ

كوزىنىڭ جاسى اعادى.

قولىن قويىپ كوكسىنە

شوپاننىڭ ايتقان عازالى:

ە، تاقسىر ءبىز ءبىر جۇرگەن قىزمەتشى

حالىقتان بوتەن كەتىپ ءجۇرمىن بەكەر.

كورمەگەن ادەپ ءتارتىپ وزبەك ەدىم

قىلامىن دارگاحىڭنان كوپ ۇمىتتەر.

جاياۋلار اعىپ جاتقان داريادان

ە، تاقسىر جاياۋ بولماسا وتە المايدى كوپىر وتكەل

نادانعا ءدىن جولىنان دۇنيە ءتاتتى

ءدايىمى بەياباندا قوي باعامىن.

دارەتتى قىلالمايمىن قايعىم كوپ

كەلتىرۋ ورنىنا وڭاي ەمەس

اقيقات جانىن ايتىپ ءتۇس ءۇمماتى

بىرەۋدە ىقتيارىم بيلىگىم جوق

نە قىلار ءوز الدىما تىرلىگىم جوق.

قىلعانىم اۋقات قىزمەت اقىم

ىشپەككە جىلدىق تۇگىل كۇندىگى جوق.

بولمايدى كەدەيمىن دەپ كوڭىلىم قاپا

بۇل دۇنيە ەش اداماعا بولمايدى وپا.

يماندى بولعانىما دۋا قىلعىن

تىلەگىم وسى سىزدەن اق مۇستافا.

شوپان وسىلاي دەگەن سوڭ

اق راسۋل قولىن كوتەردى.

قوڭىر دۋا ەتەدى

جاقسىنىڭ قامى يماندا

جامانعا دۇنيە بەكەر-ءدى.

بارەكەلدى شىراعىم

شاراپ جۇمىس ول گاۋھار

ماھيشەردىڭ كۇنىندە.

جاناتىن بولسىن جايىڭىز

پەيىشتەن ورىن الىڭىز.

شال شوپانىڭ كوڭىلىن

وسىلاي دەپ تىندىردى

قول ۇستاسىپ بارشاسى

مادينەگە ءجۇردى ەندى.

وسىمەن مىنا ءسوزىم بولدى تامام

بۇل ءسوزدى شالا ساۋات جازعان ادام

بار بولسا قاتالارى سوكپەڭىزدەر

وقىعان ءبىرادارلار دۋا قىلعىن

انشەيىن جايعا تۇرىپ كەتپەڭىزدەر.

 

شىعارما مارقۇم نۇرمانۇلى تەمىرحاننىڭ قولجازبا مۇراسىنان الىندى.

سۋرەتتى تۇسىرگەن سۇلتان سەيىت

 

 

سونداي-اق، وقىڭىز

مايلىقوجا اتىنىڭ ارىز-شاعىمى

اتى ارىقتاپ مىنۋگە جاراماي قالعاندا تىنىقسىن دەپ مايلىقوجا ونى سارىاعاش ماڭىنداعى جارتوبە دەگەن جەردەگى اعايىندارىنا …

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان