جارىق نۇردىڭ ساۋلەسى

قۇلىمبەت اتا

كونەدەن كەلە جاتقان ادبەي جانرلاردىڭ ءبىر سالاسى – ءدىني ولەڭدەر. مۇسىلمان قاۋىم بۇل جىرلاردى جاتتاپ، ۋاعىز ورنىنا ايتىپ جۇرگەن. تەك كەڭەس ۇكىمەتى ورناعان سوڭ وعان تيىم سالىندى. سىرداريا وزەنىنىڭ جاڭاقورعان وڭىرىندە ءومىر سۇرگەن قوجاحمەتۇلى قۇلىمبەت مولدا (حوراسان قوجا)  وسىنداي ءدىني  ناسيحاتتاۋ باعىتىندا كوپ جىرلار جازعان. ول ءارى كۇشتى  عۇلاما بولعان. بۇحارا مەدرەسەسىن ءبىتىرىپ كەلىپ، مەشىت اشىپ، ادام وقىتقان.

كەشەگى كەڭەستىك داۋىردە مۇمكىندىك بولماي، قۋعىن-سۇرگىن كورىپ، باسقا ەلدەردە بولىپ، كەيىن  وتىرار ء(شاۋىلدىر) جەرىنە قونىس تەپكەن. 1965 جىلى قايتىس بولدى.  قۇلىمبەت مولدانىڭ ۇرپاقتارى مەن تۋعان-تۋىستارى قازىر وتىرار، شىمكەنت، جاڭاقورعان، تالدىقورعان، اقسۋ، اراسان، قاپال جەرلەرىندە تۇرادى. بۇلار حوراسان اتا ۇرپاعىنىڭ ۇلىق-ءجۇسىپ دەپ اتالاتىن (ەكەۋى اعالى-ءىنىلى) اتالارىننا تارايدى.

ولار الاساپىران جىلدارى اراسان، قاپال جەرلەرىنە قونىستانعان. قۇلىمبەت مولدانىڭ 40-50 شاڭىراق ۇرپاقتارى قازىر سوندا تۇرادى.

قۇلىمبەت مولدا كۇشتى عۇلاما اقىن بولعان.  كەشەگى قىسىلتاياڭ كەزدەردە ونىڭ  ولەڭدەرىن جارىققا شىعارۋعا مۇمكىندىك بولماعان. بۇل كىسى جونىندە تۋىسى نۇرتازا ءۋايىسۇلى ءبىراز مالىمەتتەر بىلەدى ەكەن. قازىر الگى ۇرپاقتارى اتا ولەڭدەرىن جيناقتاپ جاتىر.

مەن مىنا ولەڭىن راحمانبەردىۇلى ءابدىلدا جىراۋدان جازىپ الىپ، بەرىپ وتىرمىن. «تاڭ سارىدەن» جولداردى تىڭداپ كورەلىك.

ساحارادا وقى ءتاجۋتتى،

قۇدايدان تىلە اجۋپتى.

ساحارادان تۇرىپ ھۋ دەگىن،

ساحارادان تۇرىپ بول قايىم.

عيباداتتى قىل ءدايىم،

كۇناڭدى كەشەر، قۇدايىم.

ساحارادان تۋىپ ھۋ دەگىن

كەشكە دەيىن مەحنات قىل،

ناپسىڭە زەھنات قىل

كورىڭىزگە راحات قىل.

«وتكەن ءازيز اۋليەلەر» كىتابىنان الىندا قۇراستىرعان شايداربەك ءاشىمۇلى

سۋرەتتى تۇسىرگەن سۇلتان سەيىتوۆ

تاڭبالار

ۇقساس ماقالالار

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان