باسقى بەت / عيبادات / اۋليە بۇلاعىنىڭ باسىندا

اۋليە بۇلاعىنىڭ باسىندا

بابالار جولى – دانالىق جولى. ول شەتىمەن، بۇل شەتىنە ۇشسا قۇس قاناتى تالاتىن وسىنداي ۇلان بايتاق دالانى مۇراعا قالدىرىپ،دالاسىن دانالىققا تۇندىرعان بابالار اماناتىنا ادال بولا ءبىلۋ باستى پارىز. دالامىز تۇنعان -تاريح. سويلەتە بىلسەڭ بارلىق سىرىن جايىپ،تاستاعىسى كەلەتىندەي بۇلاقتارى سىبدىرلاپ،جاڭا عانا بۇرشىك اتا باستاعان اعاشتارى، بۇلاق جاعالاي وسكەن قۇراقتارى سامال جەلمەن تەربەلسە، تاۋ-تاستارى كەشەگى كۇنى باۋرايىنا كەلىپ،شىڭىنا شىعىپ سان ارمان،جىرلارىن ايتقان دالا دانالارىن كۇتىپ كۇرسىنەتىندەي. يا،تابيعات – انادا داناسىن مۇڭايىپ ىزدەگەنىمەن ، بابالار جولىمەن جۇرگەن ۇرپاقتاردى قاباعىن اشىپ، قۋانا قارسى الدى.

كينوەكسپەديتسيا مۇشەلەرى ۇزاق جولدى، اسقار بەلدەردى ءوتىپ شورتانباي جىراۋ اتىمەن اتالاتىن جەرگىلىكتى جۇرت قاسيەتتى اتايتىن شورتانباي بۇلاعىنا كەلدىك. ءبىز وزدىگىمىزدەن تابا الماس ەدىك جەر يەسى، بايبۇلا شارۋاشىلىعىنىڭ يەسى بەيبىت مىرزا جول باستاپ، ءوزى اكەلمەسە. بەيبىتتە سول ءوڭىردىڭ تاريحىن تەرەڭ بىلەتىن ازامات ەكەن. ەسپەديتسيا قۇرامىنداعى ازماتتارعا سول ولكەنىڭ تاريحىنان سىر شەرتتى. «تاريحتا اتى قالعان بابالار ەسىمى حالىق جادىنان ەش وشپەيدى»-دەپ اڭگىمەسىن ايتتى.» كەشەگى قىزىل يمپەريا قانشا اتىن وشىرەم دەگەنمەن ششورتانباي جىراۋدىڭ ەسىمى ۋاقىتپەن جاڭعىرىپ، ۇرپاقتان ۇرپاققا مۇراسى،اتى بەرىلىپ كەلەدى. بالا كۇندەرىمدە اكەم بۇلاقتى اۋليە بۇلاق اتاسا تاۋەلسىزدىك العاندا بۇلاق «شورتانباي جىراۋ بۇلاعى «دەپ اتالاتىنىن ايتىپ، جىلدا تازالاپ،كوزىن اشىپ وتىرۋدى ايتقان ەدى»-دەيدى. ءبىرجارىم عاسىر وتسەدە بۇلاق تارتىلماعان، جان – جاعىن قاۋلاعان قۇراقتا قۋراماعان. بۇلاق سىبدىرى،بابا سالەمىندەي اسەر ەتتى. اللا ۇلىق، مەيىرىمدى عوي. بابا بۇلاعىنان سۋدى مەيىرلەنە ىشكەن مەن اللادان كەشىرىم سۇراپ،اۋىزىمدى اشىپ جىبەردىم. ءبىر ءسات ويعا بەرىلىپ كەتكەن كامەل اعامدا مەنىڭ قاتارىما قالاي قوسىلعانىن سەزبەيدە قالدى. اقسۋ-ايۋلىدان شىققان شورتانباي ەل ارالاپ شىققاندا مىندەتتى تۇردە قوتىر تاۋىنىڭ ەتەگىندەگى وسى بۇلاقتىڭ باسىنا ءۇي تىگىپ قارسى العان جۇرتتىڭ كوڭىلىن قيماي اپتالاپ جاتىپ، جىرىن ايتقان ەكەن. ەل اعالارى كەرەمەت اڭىزداردى ايتتى.

اقشوقى اۋىلىنىڭ اكىمى راۋشان حانىم باس تاعان ەل-ازاماتتارى بۇلاق باسىنا داستارحان جايىپ، ەكسپەديتسيا مۇشەلەرىنە قۇرمەت جاسادى. بۇلدا كەشەگى بابا جولى. بۇلاقتىڭ سۋىن قانشا ىشسەڭدە، ءشولىڭ قانبايدى. ال،بۇگىندە رۋحاني شولدەگەن حالىققا شورتانباي مۇرالارى ەرەكشە قاجەت. شورتانباي بۇلاعىنان كەيىن سول ولكەدەگى قولا ءداۋىرىنىڭ تاريحي ەسكەرتكىشى قاراجارتاس قورىمىنا جانە ابىلاي حاننىڭ مىڭباسى بولعان داڭقتى قولباسشى سەڭكىباي بابا مازارىنا سوعىپ، قۇران باعىشتادىق. ەكسپەديتسيا مۇشەلەرى ازداعان قيىندىقپەن بەس ساعات ءجۇرىپ قاراعاندىعا جەتتىك. الدا ەكى كۇن ەنشىمىزدە. بۇگىن ءتۇسىرىلىم قاراعاندىدا جالعاسادى.

شەت اۋدانىندا ساپار ساتىمەن ءوتتى. اقساقالدىقتان ابىزدىققا جەتكەن بابا مۇراسىن زەرتتەۋشى، ساقتاۋشى،قورعا

ۋشى، جازۋشى كامەل اعامىزدى قيماي، تويدا كەزدەسەيىك دەگەن ويمەن قوشتاستىق. ال، شورتانباي جىراۋ تويى قاشان وتەتىنى ءالى بەلگىسىز، كوپ ءىس-شارالاردىڭ استارىندا قالىپ قويماي جەتىم قىزدىڭ تويىنداي بولىپ قالماسا ەكەن دەگەن دە ويدا كەلىپ قالعانى شىندىق. باستىسى اليمۇحامەد -شورتانباي بابا ارۋاعى قولداسىن. توي وتەر،تويدان قالار تاعىلىم كوپ بولسىن دەپ تىلەيمىن. كەشەگى كۇننەن، بۇگىن ولجا كوپ بولسىن.

بەكزات التىنبەك

سونداي-اق، وقىڭىز

سايرامنىڭ اۋليەلى جەرلەرى

ورتاعاسىرلىق سايرام قالاسىنىڭ قالدىقتارى قازىرگى  وڭتۇستىك قازاقستان وبلىسىنىڭ ورتالىعى شىمكەنت قالاسىنان شىعىسقا قاراي 10 شاقىرىم …

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان