Şortanbay (Äli Mwhammed) Qanaywlı

Äulie bwlağınıñ basında

Babalar jolı – Danalıq jolı. Ol şetimen, bwl şetine wşsa qws qanatı talatın osınday wlan baytaq dalanı mwrağa qaldırıp,dalasın danalıqqa twndırğan babalar amanatına adal bola bilu bastı parız. Dalamız twnğan -tarih. Söylete bilseñ barlıq sırın jayıp,tastağısı keletindey bwlaqtarı sıbdırlap,jaña ğana bürşik ata bastağan ağaştarı, bwlaq jağalay ösken qwraqtarı samal jelmen terbelse, tau-tastarı keşegi küni baurayına kelip,şıñına şığıp san arman,jırların aytqan dala danaların kütip kürsinetindey. Iya,tabiğat – anada danasın mwñayıp izdegenimen , babalar jolımen jürgen wrpaqtardı qabağın aşıp, quana qarsı aldı.

Kinoekspediciya müşeleri wzaq joldı, asqar belderdi ötip Şortanbay jırau atımen atalatın jergilikti jwrt qasietti ataytın Şortanbay bwlağına keldik. Biz özdigimizden taba almas edik jer iesi, Baybwla şaruaşılığınıñ iesi Beybit mırza jol bastap, özi äkelmese. Beybitte sol öñirdiñ tarihın tereñ biletin azamat eken. Espediciya qwramındağı azmattarğa sol ölkeniñ tarihınan sır şertti. «Tarihta atı qalğan babalar esimi halıq jadınan eş öşpeydi»-dep äñgimesin ayttı.» Keşegi qızıl imperiya qanşa atın öşirem degenmen Şortanbay jıraudıñ esimi uaqıtpen jañğırıp, wrpaqtan wrpaqqa mwrası,atı berilip keledi. Bala künderimde Äkem bwlaqtı Äulie bwlaq atasa Täuelsizdik alğanda bwlaq «Şortanbay jırau bwlağı «dep atalatının aytıp, jılda tazalap,közin aşıp otırudı aytqan edi»-deydi. Birjarım ğasır ötsede bwlaq tartılmağan, jan – jağın qaulağan qwraqta quramağan. Bwlaq sıbdırı,baba sälemindey äser etti. Alla wlıq, meyirimdi ğoy. Baba bwlağınan sudı meyirlene işken men Alladan keşirim swrap,auızımdı aşıp jiberdim. Bir sät oyğa berilip ketken Kämel ağamda meniñ qatarıma qalay qosılğanın sezbeyde qaldı. Aqsu-Ayulıdan şıqqan Şortanbay el aralap şıqqanda mindetti türde Qotır tauınıñ etegindegi osı bwlaqtıñ basına üy tigip qarsı alğan jwrttıñ köñilin qimay aptalap jatıp, jırın aytqan eken. El ağaları keremet añızdardı ayttı.

Aqşoqı auılınıñ äkimi Rauşan hanım bas tağan el-azamattarı bwlaq basına dastarhan jayıp, ekspediciya müşelerine qwrmet jasadı. Bwlda keşegi baba jolı. Bwlaqtıñ suın qanşa işseñde, şöliñ qanbaydı. Al,büginde ruhani şöldegen halıqqa Şortanbay mwraları erekşe qajet. Şortanbay bwlağınan keyin sol ölkedegi qola däuiriniñ tarihi eskertkişi Qarajartas qorımına jäne Abılay hannıñ mıñbası bolğan dañqtı qolbasşı Señkibay baba mazarına soğıp, qwran bağıştadıq. Ekspediciya müşeleri azdağan qiındıqpen bes sağat jürip Qarağandığa jettik. Alda eki kün enşimizde. bügin tüsirilim Qarağandıda jalğasadı.

Şet audanında sapar sätimen ötti. Aqsaqaldıqtan Abızdıqqa jetken baba mwrasın zertteuşi, saqtauşı,qorğa

uşı, jazuşı Kämel ağamızdı qimay, toyda kezdeseyik degen oymen qoştastıq. Al, Şortanbay jırau toyı qaşan ötetini äli belgisiz, köp is-şaralardıñ astarında qalıp qoymay jetim qızdıñ toyınday bolıp qalmasa eken degen de oyda kelip qalğanı şındıq. Bastısı ÄLIMWHAMED -ŞORTANBAY BABA aruağı qoldasın. Toy öter,toydan qalar tağılım köp bolsın dep tileymin. Keşegi künnen, bügin olja köp bolsın.

Bekzat ALTINBEK

Tañbalar

Wqsas maqalalar

Pikir qaldıru

E-poşta mekenjayıñız jariyalanbaydı. Mindetti örister * tañbalanğan