جارىق نۇردىڭ ساۋلەسى

ىسمايل اتا. ىسقاق قوجا

ىسمايل اتا

سايد اتا حازىرەتىنىڭ ۇلكەن حالپەلەرىنەن ەدى. قوجا عۇبايدۋللا اڭگىمەلەيدى: العاشقى كەزدەردە حالىق ىسمايل اتاعا قارسىلىق ءبىلدىردى. اتا «مەن ولاردى تانىمايمىن بۇلارعا اسىن بەرەمىن، جاعدايىن جاسايمىن، بۇلارعا جانىم قۇربان بولسىن»،- دەيتىن. اتا حازىرەتى وسى كەزدە حۋزيان جاقتا ەدى. بۇل سايرام مەن تاشكەنت ورتاسىنداعى ءبىر جەر ەدى. ول ولكەنىڭ اكىمى اتا حازىرەتىنە ارقاشان قارسىلىق ەتىپ، وسەك-عيبات پەن مازاق ەتەتىن. اتا حازىرەتى «مولدالار ءبىزدىڭ سابىنىمىز. ولار بولماسا ءبىز نەمەن جۋىنامىز»، – دەپ ايتاتىن. قوجا عۇبايدۋللا حازىرەتتىڭ بۇل سوزدەرىن ول وتە قاتتى باعالايتىن. اتا حازىرەتىنىڭ ەرەكشە جان بولعاندىعى: «اشتىقتان قينالعان حالىققا نان سەكىلدى بول»، – دەيتىن. قوجا عۇبايدۋللا حازىرەتى اتانىڭ بۇل ءسوزى جالپىعا ايتىلعان ءسوز، – دەپ ايتقان. حازىرەتى ىسمايل اتا ءبىر شاكىرتكە ءبىلىم بەرىپ بولعان سوڭ، ەي، ءدارۋىش، ساعان تاريقاتتا باۋىر بولدىق، بىزدەن ءبىر ناسيحات قابىل ەت. بۇل دۇنيەنى ءبىر كۇندىك دەپ ويلا، حاقتان باسقا ەشكىم جوق دەپ ءبىل، زىكىرىڭدە ءتاۋحيدتى باسىم ايت. سوندا سەندە وزگە كەتىپ تەك جاراتقان يە قالادى، – دەدى. قوجا حازىرەتى اتانىڭ بۇل سوزىنەن قيالي تانىمنىڭ ءيىسى كەلەدى، – دەپ ايتقان.

قوجا حازىرەتى ءوزى جايلى قوجا يبراھيمنەن مىنانى ەستىگەن: مىرزا كۋركاني: ەي، بالا شەيح! ىسمايل اتا مۇريدتەرىنەن ساجدەدە جاتقاندا قوش ءيىس كەلەدى، – دەيتىن.

 ىسقاق قوجا

ىسمايل اتانىڭ ۇلدارىنىڭ ءبىرى. ول يسفيدجاب تاراپىنان ەدى. يسفيدجاب تاشكەنت پەن سايرام اراسىنداعى مەكەن. جولداستارىنىڭ ءبىرى ابدۋللا حاجاندي، قوجا باھاۋيددين حازىرەتىنىڭ شاراپاتتى سۇحباتتارىنا كەلمەي تۇرىپ بىرنەشە جىل بۇرىن قاتتى ءبىر ىنتىق-تالابى بار ەدى. سودان قوجا مۇحاممەد ءالي حاكىم تەرمۋزي مازارىنا باردىم. ودان سەنىڭ ماقساتىڭ ون ەكى جىلدان سوڭ بۇحارادا جۇزەگە اسادى دەگەن ءبىر ءسۇيىنشى حابار ەستىدىم. ول ورىندا قوجا باھاۋيددين ناقشىباندي شىعۋىنا بۇل سۇيىنشىدەن كەيىن كوڭىلىم ورنىنا ءتۇستى. حوجاند جاققا قايتتىم. ءبىر كۇنى بازاردان ءوتىپ بارا جاتىپ ءبىر مەشىت ەسىگىنىڭ الدىندا ەكى تۇرىكتى كوردىم، ول تۇرىكتەر ءبىر-بىرىمەن سۇحباتتاسىپ، جىلاپ وتىر ەدى. سوزدەرىنە قۇلاق سالسام تاريقات جايلى اڭگىمەلەسىپ وتىر ەكەن. ولارعا جاقىنداپ ءبىراز جەمىس جانە تاعام اكەلىپ، سۇحباتتارىنا كىردىم. ءبىر-بىرىنە بۇل ءدارۋىش شاكىرت كورىنەدى، – دەدى. بۇنى سۇلتانىمىز ىسقاق قوجا قىزمەتىنە جىبەرگەن ءجون، – دەدى. ولاردان بۇل ءسوزدى ەسىتىپ قۋات الىپ، تالابىم ارتا ءتۇستى دە ىسقاق قوجا قايدا دەپ ىزدەي باستادىم. ول يسفيدجابتا ەكەن. مەن ونىڭ سۇحباتىنا باردىم. وعان ءوز نيەتىمدى ءبىلدىردىم، بىراق تەرمۋزدا بولعان وقيعانى بۇل كىسىگە ايتپادىم. بىرنەشە كۇن ونىڭ قىزمەتىندە بولدىم. كوپ سىي-سياپات كورسەتتى. قوجا حازىرەتىنىڭ ءبىر ۇلى بار ەدى. ونىڭ جۇزىنەن كامىلدىك نىشانى كورىنىپ تۇراتىن. ءبىر كۇنى اكەسىنە مەنىڭ جايىمدى بايان ەتىپ; «بۇل ءدارۋىش ءمۇساپىر ءسىزدىڭ قىزمەتىڭىزدە بولىپ، شاراپاتتى قابىلداۋىڭىزعا لايىق بولدى، – دەدى. ىسقاق قوجا: ەي، پەرزەنتىم، بۇل ءدارۋىش قوجا باھاۋيددين ناقشىباندي ءمۇريدى بولسا كەرەك، ءبىزدىڭ بۇنى يەلەنۋگە مۇمكىندىگىمىز جوق، – دەپ جاۋاپ بەردى. ودان بۇل ءسوزدى ەسىتىپ، حازىرەتى قوجاعا دەگەن سەنىمىم تاعى دا ارتتى. ىسقاق قوجادان رۇقسات سۇراپ حوجاندقا كەلدىم. ءسويتىپ بۇحارادا ونىڭ  قىزمەتىندە بولدىم.

 

تاڭبالار

ۇقساس ماقالالار

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان

سونداي-اق، وقىڭىز

جابۋ