ياساۋي مۇراسى

ريسالا دار ادابي تاريقات

  مەيىرىمدى راقىمدى اللانىڭ اتىمەن باستايمىن

بۇل قوجا احمەت ءياساۋدىڭ ريسالاسى

قۇتب ۋت-تاريقات1, بۋرحان ۋل-حاقيقات2, ازىرەت قوجا احمەت ياساۋي راحماتۋللاحي عالايحي3 ءوزىنىڭ  ريسالاسىندا، اللا تاعالانىڭ قالاۋىمەن، تاريقات جولىنىڭ ىزدەنۋشىلەرىنىڭ جۇرەك كوزىنىڭ اشىلۋىنا پايدالى بولادى دەگەن ۇمىتپەن، بىرنەشە ءسوز ايتىپ قالدىرعان.

ءبىرىنشى باپ: تاريحاتتىڭ احكامى4  تۋرالى

ەي، ءداۋرىش ءبىلىپ قوي! تاريحاتتى ڭاحكامى التاۋ. ءبىرىنشى – ماعريفات5 , ەكىنشى – ساحاۋات6, ءۇشىنشى – سىدىق7, ءتورتىنشى – ياقين8, بەسىنشى – تاۋەكەل، التىنشى – تافاككۋر9.

ەكىنشى باپ: تاريقاتتىڭ اركانى (نەگىزدەرى) تۋرالى

ەي، ءداۋرىش ءبىلىپ قوي! تاريقاتتىڭ اركانى التاۋ. ءبىرىنشى- عىلىم، ەكىنشى –حيلىم 10, ءۇشىنشى –  سابىرلىلىق، ءتورتىنشى – ريزا11  بەسىنشى – ىحىلاس، التىنشى –قۇرب12.

***

1 تاريقاتتىڭ (پايعامبار جولىنىڭ) تەمىرقازىعى 

2 اقيقاتتىڭ دالەلى

3 اللا ول كىسىلەرگە راحىم ەتسىن

4 ۇكىمدەرى

5 تانىم

6 جومارتتىق

7 شىنشىلدىق، تۋرالىق

8 ايقىندىق

9 پىكىر ەتۋ، ويلانۋ

10 سالماقتىلىق، سابىرلىلىق

11 ريزا بولۋ، كونۋ

12 جاقىن بولۋ

ءۇشىنشى باپ: تاريقاتتىڭ مىندەتتەرى تۋرالى

ەي، ءداۋرىش ءبىلىپ قوي! تاريقاتتىڭ  مىندەتتەرى  التاۋ. ءبىرىنشى – ديدار تالاپ بولۋ، ەكىنشى – شاۋق1, ءۇشىنشى – حاۋف2, ءتورتىنشى – ريجا3, بەسىنشى – زىكىر4, التىنشى – پىكىر.

***

1 اللاعا قاۋىشۋ ساعىنىشى

2 اللا تاعالانىڭ اشۋ-قاھارىنان ءاردايىم قورقىپ ءجۇرۋ

3 اللا تاعالانىڭ راحمەتىنەن ءاردايىم ۇمىتتەنىپ ءجۇرۋ

4 اللا تاعالانى ۇزدىكسىز ەسكە الىپ ءجۇرۋ

ءتورتىنشى باپ: تاريقاتتىڭ سۇننەتتەرى تۋرالى

ەي، ءداۋرىش ءبىلىپ قوي! ءبىرىنشى – نامازدى جاماعاتپەن وقۋ، ەكىنشى – ساحاردا تۇرۋ،  ءۇشىنشى –  ءاردايىم  بويىن تازا ۇستاۋ،  ءتورتىنشى –  دارەتپەن ءجۇرۋ، بەسىنشى –  اللا تاعالانىڭ زىكىرىن قۇرمەتپەن  ايتۋ،  التىنشى – امبيە-اۋليلەرگە،  مۇسىلمانداردىڭ پاتشاسىنا، اتا-اناسىنا، رۋحاني ۇستازدارى مەن  مۇعالىمدەرىنە، ۇرپاعىنا ارناپ بەس ۋاقىت نامازدا دۇعا جاساۋ.

بەسىنشى باپ: تاريحاتتىڭ مۋستاحابتارى تۋرالى

ەي، ءداۋرىش ءبىلىپ قوي! تاريحاتتىڭ مۋستاحابتارى التاۋ. ءبىرىنشى – قوناقتى كوركەم مىنەزبەن كۇتىپ الۋ،  ەكىنشى – قوناققا تاعام ۇسىنۋ، ءۇشىنشى  – ءوز ۇيىندە قوناقپەن سۇحباتتاسۋدى عانيبەت ساناۋ، ءتورتىنشى – قوناقتى كوڭىلدى تۇردە شىعارىپ سالۋ، بەسىنشى – قوناقتىڭ قاجەتتىلىگىن كەتىرۋ، التىنشى – يمان كەلتىرگەن قۇلعا كومەكتەسىپ ءجۇرۋ.

التىنشى باپ: تاريقاتتىڭ ادەپتەرى تۋرالى

ەي، ءداۋرىش ءبىلىپ قوي! تاريقاتتىڭ ادەبى التاۋ. ءبىرىنشى – رۋحاني ۇستازدىڭ الدىندا ادەپپەن شوكەلەپ وتىرۋ، ەكىنشى – ءوزىن باسقالاردان تومەن ساناۋ، ءۇشىنشى – وزىنەن وزىق كىسىلەردىڭ الدىندا سويلەمەۋ، بەسىنشى – رۋحاني ۇستازدىڭ رۇقساتىنسىز اڭگىمە ايتپاۋ، التىنشى – رۋحاني ۇستازدى، مۇعالىمدى، تاعى وسى سياقتى كىسىلەردى شىن جۇرەكتەن سىيلاۋ. ولاردىڭ رۇقساتىمەن ءجۇرىپ-تۇرۋ. ولارعا، اتا-انالارىنان بۇرىن قىزمەت قىلۋعا تىرىسۋ. ءبايىت: ەندى ءوز تاسىلىڭمەن جوسپارلاما، رۋحاني ۇستازىڭ  رۇقسات ەتپەگەن ءىستى.

جەتىنشى باپ: رۋحاني ۇستازداردىڭ شاكىرت قابىلداۋى تۋرالى

ازىرەت قوجا احمەت ياساۋي اللا تاعالا  ول كىسىنىڭ عازيز  رۋحىن كيەلى ەتسىن، ايتادى: ءمۇريت1 قابىلداۋ ءۇشىن ءمۇرشيت كەمەلدىككە جەتكەن ادام بولۋ كەرەك. شاكىرت قابىلدايتىن كەزدە، ەڭ اۋەلى ءمۇريتتىڭ ءناپسىسىنىڭ سيپاتتارىنان، قورلىقتارى مەن قارالىقتارىنان، جۇرەگىندەگى سىردان حابارى بولۋى كەرەك. سول دارەجەدەگى  ۇستاز عانا  شاكىرت قابىلداۋعا حاقىسى بار، ءتىپتى  ونداي ۇستاز قوشەمەتتەۋگە ابدەن لايىقتى. ەگەر اللا تاعالانىڭ فارىزدارىنان3, ازىرەت راسۋلدىڭ ساللالاحۋ عالايحي ۋا ساللامنىڭ سۇننەتەرىنەن حابارسىز بولسا، ونداي شايح دۇنيەدە قورلانادى، قۇريدى، ەرتەڭ قيامەت كۇنىندە اللا تاعالانىڭ الدىندا،  ازىرەت پايعامباردىڭ ساللالاحۋ عالايحي ۋا  ساللامنىڭ

الدىندا بارشا مازحاب پەن حالىق عالىمدارىنىڭ الدىندا، بارشا اۋليە-امبيەلەر، تاريقات جولىنداعىلاردىڭ الدىندا ۇياتقا قالادى. بۇل جامان ىستەن اللا ءبىزدى ساقتاسىن.

جانە حۇتبۋ تاريقات ۋا بۋرحانۋ حاقيقات ازىرەت قوجا احمەت ياساۋي قادداسسالاحۋ سيرراحۋ بىلاي دەيدى: شايحقا ءمۇريت بولۋ دەگەن، اۋەلى ول شايح قىرىق ءتورت ماقامنان حابارى بولۋ كەرەك. ەگەر  بۇل ماقامداردان حابارى بولماسا، جيىرما ەكى ماقامنان حابارى بولۋ كەرەك.

***

1 ءوز ەرىگىن ناقتى مۇرشيتكە (تۋرا جولدى كورسەتۋشى ۇستازعا) تاپسىرعان شاكىرت

2  باعىت كورسەتۋشى، جولباسشى، تۋرا جولدى كورسەتۋشى ۇستاز

3 بۇيرىقتارىنان

ەگەر ول داۋرىشتىك ماقامداردان حابارى بولماسا، مىندەتتى تۇردە سەگىز ماقامنان حابارى بولسىن. جانە وسى سەگىز ماقامنان سەگىز ءارىپ شىعادى. ارىپتەر مىناداي: ءبىرىنشى «ءالىپ»، ەكىنشى «بە»، ءۇشىنشى «تە»، ءتورتىنشى «سين»، بەسىنشى «ساد»، التىنشى «فە»، جەتىنشى «قاپ»، سەگىزىنشى «رە». ءبىلىپ قوي! ءالىپ ءارپى ءتۇپ-ءتۇزۋ، ءداۋرىش «ءالىپ» سياقتى تۋرا، ءتۇزۋ بولۋ كەرەك، ەكىنشى «بە»، «باشارات» دەگەن ءسوز، ياعني، ارقاشان جاقسى حابار كۇتۋ كەرەك، ءۇشىنشى «تە» دۇنيەنى تارىك ەتۋ كەرەك، ءتورتىنشى «سين»، «ساير ۋا سۋلۋكتا1» بولۋ كەرەك، جەتىنشى «قاف»، قاناعاتشىل بولۋ كەرەك، سەگىزىنشى «رە» ءداۋرىش ارقاشان «ريازاتتا3» بولۋ كەرەك.

اللا تاعالا ءوزىنىڭ حاق كالامىندا بىلاي دەپ حابارلايدى: «…اللا ولاردان رازى، ولار دا اللادان رازى…»4. مىنە، وسىنداي  ۇستاز شاكىرت قابىلداۋعا، تاپسىرما (اسا تاياق) بەرۋگە، ءمۇريتتىڭ ءحالىن تەكسەرىپ تۇرۋعا بولادى، ونداي  كىسىگە شاكىرت بولعان دۇرىس. ەگەر بۇل سەگىز داۋرىشتىك ماقامنان حابارى بولماسا ۇستازدىق قىلعانى دۇرىس بولمايدى.ەگەر ۇستازدىق قىلام دەسە ماڭگىلىك ازاپقا دۋشار بولادى.

ماحابات تۋرالى

ءبىزدىڭ شايح اللا تاعالا ول كىسىنىڭ رۋحىن كيەلى قىلسىن، بىلاي دەدى: «ەي، ءداۋرىش! جالعانشى، ماحاباتتى كورە المايدى. ماحاباتتى قۇداي تاعالا جاراتقاندا  وعان، ەي ماحابات ۇلى عارشىعا ورنالاسىپ ال دەدى، ول تۇرمادى. كۇرسىگە ورنىق دەدى، ماحابات ول جەرگە دە تۇرمادى. سوندا اۋەز كەلدى: «ەي، ماحابات! ماحامدارعا نەگە جايعاسپادىڭ» دەدى. ماحابات جالىنىپ، جالبارىنىپ، ۋا ون سەگىز مىڭ عالامنىڭ جاراتۋشىسى، تاربيەشىسى! ول ماقامدارعا ورنىعۋ ءۇشىن ماقسات كەرەك، تاليبقا ماتلۋب1 عاشىققا ماعشۋق2 ، زىليقاعا ءجۇسىپ، حاديشاعا مۇحاممەد ساللاللاحتس عالايحي ۋا ساللام، مۇريدكە ءپىر، مۋرشيد، داۋرىشكە قوجايىن كەرەك. اللا تاعالانىڭ ءسوزى  بار: «… ولاردى اللا جاقسى كورەدى، ولار اللانى جاقسى كورەدى3…»

باپ: ىشىق تۋرالى

ءبىزدىڭ شايح، اللا تاعالا ول كىسىنىڭ رۋحىن كيەلى قىلسىن، بىلاي دەيدى: ىشىق دەگەنىمىز – ءبىر حالدەن ەكىنشى  حالگە كەزىگۋ. عاشىق ادام سول، ءبىر رەت «اللا» دەپ، شاقپاق سياقتى شاۋق4 وتىمەن جالىنداپ جانسا. وعان ىحىلاس بەتتەپ، ماعريفات5  شامى جانادى، ماحابات شىراعى جالىندايدى. ءداۋرىش سول كەزدە كوبەلەك سياقتى ۇشىپ، جاينامازدىڭ ۇستىندە، رۋحاني الەمدە ءمىناجات ەتەدى. مۇنداي شايحتى قوجا احمەت ياساۋي راحماتۋللاحي الايحي ايتادى: كىمدە كىم دۇنيەلىك جانە احيرەتتىك ۋاردادان (گۇل سۋىنان) ءبىر كەسە ىشسە، ياعني دوسىنىڭ قولىنان ءبىر ۇرتتام ماحابات ىدىسىمەن ءوز ەڭبەكتتەنىپ ىشسە، ول مىندەتتى تۇردە ءمالامات بولادى ياعني، سوگىس ەستيدى.

باپ: ال-ماعريفات ياعني تانىم تۋرالى

جۇرەكتىڭ ءتىرىلۋى اللا تاعالامەن بولادى. ەي، ءداۋرىش ءبىلىپ قوي! عاشىق بولعان ادامنىڭ كوكىرەگىندە تۇرعنادا ىشىق وپانى6 كوبەيتپەيدى، جاپانى7 ازايتپايدى.

***

1 ىزدەنۋشىگە ىزدەۋ كەرەك بولعان نارسە

2 عاشىققا سۇيىكتى

3 قۇران كارىم: 5 سۇرە 54 ايات

4 ساعىنىش. كوڭىلدىڭ سۇيىكتىسىمەن  كەزدەسۋگە دەگەن قۇشتارلىعى، ساعىنىشى

5 تانىم

6 سۇيەۋ دەمەۋ، ارقاسىن الۋ

7 ءتۇرلى قيىندىقتار، بالەكەت

 ماحاباتتان، وعان  زاۋىق1 كەلەدى، ول زاۋىق سۇيىكتىمەن كەزدەسۋ، ونىڭ الدىندا ارقاشان  باسەكەلەس اقىل تۇرادى.

ەي، ءداۋرىش! پەيىش – اللا تاعالادان يحسان2, مەن كارام3 تالاپ ەتۋشىلەر ءۇشىن. تانىم مومىنداردىڭ جۇرەگىنىڭ ەمى، ديدار تالاپ ەتۋشىلەرگە ءدارى، اۋرۋدىڭ شيپاسى بولادى.

ءداۋرىشتىڭ ەكى كوزىنەن جاس توقتامايدى، اللانىڭ  راحمەتى  كوزبەن كەلەدى، ءداۋرىشتىڭ جۇرەگى ارقاشان قورقىنىشتا بولۋ كەرەك، حاۋف ياعني قورقۋ جۇرەكپەن بولادى. ءداۋرىشتىڭ جانى بيىكتەۋ كەرەك، ويتكەنى بيىكتىككە رۋحپەن  جەتۋگە بولادى. ءداۋرىشتىڭ ءتانى تاۋبەدە بولۋ كەرەك،  ويتكەنى ءتان ارقاشان ءتاۋبادا بولعانى دۇرىس. ءداۋرىشتىڭ ەكى قولى جاقسىلىق جاساۋمەن بولسىن، ويتكەنى جاقسىلىق ەكى قولمەن بولادى. ءداۋرىشتىڭ ەكى اياعى تاعاتتا بولسىن، ويتكەنى  تاعات اياقپەن بولادى. ءداۋرىشتىڭ ەكى  قۇلاعى تىڭداۋدا بولسىن، ويتكەنى تىڭداۋ ەكى قۇلاقپەن بولادى. ءداۋرىشتىڭ ءتىلى زىكىردە بولۋ كەرەك، ويتكەنى زىكىر تىلمەن بولادى.  دوس ارقاشان سۇيىكتىسىمەن كەزدەسۋدى قالايدى.

ەي، ءداۋرىش! پەندەنىڭ ءتورت نارسەسى ءتورت نارسەگە بەكىتىلگەن. پەندەنىڭ ءتىلى ءاردايىم زىكىر ەتۋگە، پەندەنىڭ جۇرەگى اللانىڭ ماحاباتىمەن تولۋعا، ەكى كوزىنەن جاس اعىزىپ كەزدەسۋدى  سۇراپ ءجۇرۋ، پەندەىڭ ءسوزى ارقاشان تاۋبە بولۋ كەرەك. اللا تاعالانىڭ ءسوزى: «ەي، يمان كەلتىرگەندەر! شىن كوڭىلدەن تاۋبە ەتىپ اللاعا قايتىڭدار…5».

***

1 رۋحاني ءلاززات

2 جاقسىلىۇ

3 جومارتتىق

4 قۇران كارىم: 66 سۇرە، 8 ايات

 ماعريفات تۋرالى

ازىرەت قوجا احمەت ياساۋي راحماتۋللاحي الايحي ايتادى: ەي، ءداۋرىش، ءبىلىپ قوي! ماعريفات دەگەنىمىز قورعان، ماحابات دەگەنىمىز پاتشا، اقىل ءۋازىر. ءتىلدىڭ جولى زىكىر، جۇرەكتىڭ كەنى پىكىر، سول كەزدە سىر اشىلادى. ىزدەنۋشىنىڭ قۇلاعى ۇكىمدە بولىپ،  جانى ماحابات دارياسىنا باتىپ كەتۋ كەرەك. پاقىرلار ماحاباتقا باتتى.

ءبىل، ەي، ىزدەنۋشى ءداۋرىش! اللا تاعالا پەيىشتە  نۋ-ورمان، اعاشتار جاراتقان، داۋرىشتەردىڭ جۇرەگىنىڭ ىشىنە ماعريفات اعاشىن جاراتقان، جۇرەكتى ءڭۇيىن ىحىلاستان جاراتاقان، جۇرەكتى ڭجەمىسىن يعتيقادتان1 جاراتقان، جۇرەكتەردىڭ جاپراقتارىن تاسديقتان2 جاراتقان، اقىلدى وعان جاقىنداتىپ قويعان.

ەي، ىزدەنۋشى ءداۋرىش ءبىلىپ قوي! ول اعاشتىڭ ءتانى – يمان، بۇتاقتارى حيكمەت بولادى. پەيىشتىڭ ىشىنە اللا تاعالا ءتورت ارىق جاراتقان: بىرەۋى – سۇتتەن،  ءبىر ارىق بالدان، تاعى بىرەۋى شارابان تاحۋردان، جانە بىرەۋى – سۋدان.

ءداۋرىشتىڭ جۇرەگىندە عيباداتتىڭ ءتورت دارياسى بار. ءبىرى تاۋەكەل دارياسى، ەكىنشىسى تافاككۋر دارياسى، تاعى بىرەۋى تاۋاازۋ داريايى، بىرەۋى زىكىر داريايسى.

قايسى ءبىر عاشىق، شىنشىل، اللا تاعالانى ڭديدارىن ىزدەنۋشى ءداۋرىش وسى داريالاردىڭ جاعاسىنا كەلسە،  شاۋق شارابىن ىشسە،  شاريعات توسەگىنە وتىرسا،  تاريقات جاستىعىنا جاستانسا، ماعريفات  گۇلىن يىسكەسە، ماحابات تاندىرىندا جانىپ، كۇيسە، دوس تارپىنان ول داۋرىشكە مىنا حابار جەتەتىنى حاق: «تاۋبە ەتىپ راببىسىنا قاراي قايتاتىندار، وعان  عيبادات جاساۋشىلار، ونى كوپ ماداقتاعاندار،  توقتاتپاي ونى ىزدەۋشىلەر، وعان يىلگەندەر، ول ءۇشىن ساجدە ەتەندەر، جاقسىلىققا شاقىرعاندار، جاماندىقتاردان قايتارعنادار، اللا تاعالا قويعان شەكتى بۇزباي كۇزەتىپ جۇرگەندەر، مىنە وسىنداي مومىندارعا  ءسۇيىنشى حابارلار بولسىن3».

***

1 نەگىزگى سەنىم، ءتۇيىندى وي، تۇيىلگەن شىندىق

2 راستاۋ، مويىنسۇنۋ

3 قۇران كارىم: 9 سۇرە، 112 ايات

 

جانە اللا تاعالا بىلاي دەپ ءۇن قاتقانداي بولادى: «ەي، جانقيارلىق تانىتقان ءداۋرىش، ەي، جانىپ كۇيىپ جۇرگەن،  جۇرەگنىدە تۇگى بارلار، سەندەردىڭ جاندارىڭ  ماعان قۇربان، ويتكەنى: «ايت رۋح مەنىڭ ءامىرىم1 » سەندەردىڭ جۇرەكتەرىڭ مەنىڭ نازارىم تۇسەتىن جەر،  جانە  جۇرەكتەرىڭنىڭ ىشىندە ءبىر تاق جاسادىم. ول تاقتىڭ ۇسىتندە مەنىڭ ۇلىق ەسىمىم جازىلعان، سەندەر ودان بەيحابارسىڭدار. مەن نازار سالاتىن جەر  مومىنداردىڭ، داۋرىشتەردىڭ جۇرەگى. كۇنەگە مىڭ رەت راحمەت نازارىممەن ولاردىڭ جۇرەكتەرىنە قارايمىن.

ءبىلىپ قوي! ونىڭ تاعى يمان بولادى، پاتشاسى اقىل، ونىڭ ءۋازىرى تانىم مەن جۇرەتكەردىڭ جەرى ماحابات ماقامى. سول جەردە كاليما تايبا دەگەن اعاش وسكەن، ول: ءلا ءيللاھا يللاللاھ مۋحامماد راسۋلۋللاح، ياعني ءبىر اللادان باسقا  ءتاڭىر جوق، مۇحاممەد (س.ع.س.) ونىڭ ەلشىسى. حاق سۋبحاناحۋ ۋا تاعالا حابار بەرەدى: «اللا تاعالانىڭ، كوركەم جانە تۋرا ءسوز ءۇشىن قانداي مىسال بەرگەنىن كورمەيسىڭدەر مە؟ ول ءسوز تامىرى مىقتى، بۇتاقتارى كوككە ۇلاسقان اعاشقا ۇقسايدى2».

باپ: داۋرىشتىك تۋرالى

شايح قوجا احمەت ياساۋي اللا تاعالا ول كىسىنىڭ سىرىن كيەلى قىلسىن، ايتادى: ءداۋرىش بولۋدىڭ  اقيقاتى مىناۋ، ءداۋرىشتىڭ جۇرەگى ءاردايىم زىكىردە، ونىڭ يعتيقادى جۇرەكتە، جۇرەگىنىڭ قۋانىشى مەشىتتىڭ ىشىندە  ناماز وقۋدا بولۋ كەرەك، ول ارقاشان قورقىنىشتا بولۋعا ءتيىس. كوپ قۇران وقىپ، كۇندىز ورازا ۇستاعانى ابزال. ول پايعامباردىڭ  عالايحيس سالامنىڭ ءسوزى بار: «ورازا مەن ءۇشىن، اقىسىن دا ءوزىم بەرەمىن». ازىرەت قوجا احمەت ياساۋي اللا تاعالا ول كىسنىڭ  سىرىن كيەلى ەتسىن ايتادى: ءداۋرىش سول ادام بولادى، ەگەر ءبىر مومىن ونىڭ باسىنا اياعىن قويسا، ول پىكىر تەڭىزىنە شومىپ، حالىققا ونى جاريايلاماسا. ەي، عاشىق ءداۋرىش! ءبىىلپ قوي، تاريقات جولى ىزدەنۋشى ءداۋرىشتى تافاككۋرگە جەتكىزەدى، تافاككۋر حاۋفقا جەتكىزەدى. حاۋف ريجاعا جەتكزەدى، ريجا ەكى كوزدەن جاس اعىزۋعا جەتكىزەدى. كوپ جىلاۋ حيداياتقا 1 جەتكىزەدى. حيدايات تاۋفيققا 2  جەتكىزەدى. تاۋفيق تاعاتقا3 جەتكىزەدى. تاعات زىكىرگە  ماحاباتقا جەتكىزەدى.  ماحابات اللا تاعالانىڭ ريزالىعىنا جەتكىزەدى. اللا تاعالا قۇران كارىمدە حابار بەرگەن: «كەيبىر جۇزدەر ول كۇنى باقىتتى، جالتىرايدى. راببىسىنا قاراپ تۇرعاندا4» ەڭ دۇرىسىن اللا تاعالا بىلەدى. نازىم:

پەيىش انالاردىڭ ريزالىعىندا،

انالاردىڭ اياعىنىڭ استىندا.

اللا تاعالانىڭ ريزالىعىن تىلەسەڭ،

انالار ريزا بولاتىن ءىستى جاسا.

ازىرەت قوجا احمەت ياساۋي قادداساللاحۋ سيرراح ۋل ازيز ۋال يكرامنىڭ ريسالاسى اياقتالادى.

 

1 قۇران كارىمنىڭ 17 سۇرەسى، 85 اياتىندا «ايت، رۋح مەنىڭ راببىمنىڭ امىرىمەن بولادى» دەگەن

2 قۇران كارىم 24 سۇرە، 84 ايات

1 باعىت-باعدار كورسەتۋ

2 اللا تاعالا تاراپىنان بەرىلەتىن   ارنايى جاردەم

3 باعىنۋشىلىق، مويىنسۇنۋ

4 قۇران كارىم 75 سۇرە، 22-23 اياتتار

 

اۋدارعان سەيفۋللا موللاقاناعاتۇلى 2012 جىل

تاڭبالار

ۇقساس ماقالالار

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان

سونداي-اق، وقىڭىز

جابۋ