Ораза қабыл болсын!

Бисмилләһир Рахманир Рахим!

Я, Алла, дұғамызды қабыл ет,

Иманымызды кәміл ет,

Тозақтың отынан сақта,

Айтса жөнге көнбейтін,

Көк долы қатыннан сақта!

Я, Алла, ғұмыр берсең,

Бақытты ғып бер,

Әйел берсең,

Жұмсақ сөзді, адал ғып бер!

Бала берсең, ұнамды ғып бер,

Қыз берсең, келісті ғып бер.

Бала берсең, ырысты ғып бер.

Ат берсең, жүрісті ғып бер.

Тірімізге тұрақ бер,

Өлімізге жұмақ бер!

Осы тілеген тілектің бәрін де

Үйіп-төгіп бір-ақ бер!

Сұраушыдан сөз қалған жоқ,

Беруші Алла, өзің бер!

Мұқаш хазірет Түктібайұлы мұрасынан