Шортанбай (Әли Мұхаммед) Қанайұлы

Атасы топқа кірмеген

Шортанбай Қанайұлы

Жақсыны жаман көре алмас,

Тіл тиген соң өзіңе.

Шын екен деп иланбаңыз,

Жалғаншының сөзіне.

Сырттан ғайбат қылғанша,

Айт көзі мен өзіне.

Құдайдан қорыққан мұсылман,

Қарауыл қояр сөзіне.

Құдайдың барын білмеген,

Айтқан жөнге жүрмеген,

Менменсіген зор кеуде,

Қиық жүріп кете алмас,

Аспанменен өте алмас,

Алдындағы жолығар,

Құдайдың құрған тезіне.

Жігерлі туған жігіттің,

Кім қой дейді талабын.

Жалғыз аяқ бар болса,

Кісі үшін дер шалабын.

Атасы топқа кірмеген,

Сөзге салмас кұлағын.

Құдайдан қорыққан мұсылман,

Қонаққа сояр лағын.

Өткен соң қайтып келмейді,

Өлгенге мал ермейді,

Бұ дүниенің шолағы.

 

Таңбалар

Ұқсас мақалалар

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Сондай-ақ, оқыңыз

Жабу
Back to top button
Жабу