Basqı bet / Bilgen Şayır aytadı / Mädeliniñ Dosalı men Qasımbek datqanı jarastıruı

Mädeliniñ Dosalı men Qasımbek datqanı jarastıruı

Dosalı, Qasımbek eñ tös elinde-ay,

Jılqı mal tebispeydi öserinde-ay,

Artıñdı şabıs penen tartıs qılma

Qartayıp dünieden köşeriñde-ay.

 

Qalıp em qay janıñnan jaulanğanday,

Men şoq em, sen jalın bop laulağanda-ay,

Artıñdı şabıs penen tartıs qılma,

Basıña kärilik kep aunağanda-ay.

 

Dosalı, Qasımbek eñ qırda jatqan,

Esteriñ bar emes pe, täñir atqan,

Töbelesseñ dulattıñ balası öler

Qoja öledi, deymisiñ, Sırda jatqan!

 

Aqsuda jasaq jiıp twrısqanıñ,

Jauıñdı qaşan birge quıspadım?

Atıssañdar dulattıñ balası öler

Jalğan ba bir atadan tuısqanıñ?

 

Domalap tasıñ şıqsa tau betine,

Mastanba qolıñdağı däuletiñe,

Aşu-dwşpan tilimen adam ölse

Kek qalar jeti pwttı äuletiñe!

 

SEN ÖZIÑ…

Qaratau asıp, Sozaq jaqqa barar jolda nayman Bwzau datqanıñ üyine tüserde Mädeli qasındağı jigitterin qır astına qaldırıp, özi jalğız baradı. Sälemdesken soñ üy iesi: «Meni jwrt Bwzau datqa deydi, al sen qaydan bolasıñ? Jöniñdi ayta otır» dep jön swraydı. Conda aqın: «Sır boyınan kele jatqan jolauşımın, datqanıñ dañqın esitip sälem bere keldik» deydi.

Sonda Bwzau datqa: «Au, mına jolauşığa qazan köteriñder» degende bir äyel üy ortasındağı qazanğa su qwyıp, qoydıñ jalğız qolın salıp qaynata bastaydı. Datqa jantayıp jatqan jerinen twrıp otırıp: «Sol Sır boyınan kele jatsañ Mädelini bilerseñ» dep batırlığı men aqındığı jaylı estigen-bilgen äñgimelerin auzına alıp, söziniñ soñında: «Ol turalı biletiniñdi, basqa bwyımtayıñ bolsa onıñdı ayta otır, jolauşım» deydi.            Sol kezde Mädeli bılay depti:

Sen öziñ Bwzau emes, torpaqpısıñ,

Jauğa şapsañ jaltaqtap qorqaqpısıñ?

Qazanıña salğanıñ jalğız jauırın,

Wyalmay oğan öziñ ortaqpısıñ?

 

Joq, älde Bwzau emes, baspaqpısıñ,

Baspaq bola twrsañ da asqaqpısıñ?

Dañqın körmey däriptep äñgime ettiñ

Mädeli kelse twra qaşpaqpısıñ?

 

Osıdan keyin Mädeliniñ bas-ayağına qaytadan nazar salıp qarap ötken Bwzau datqa: «YApır-ay, sen iya közi, iya özi şığarsıñ!» deydi de ornınan twrıp, qaytadan qwşaqtasıp körisedi de, işinen «bwl anıq Mädeli bolsa, janında jigitteri boluı tiis» dep tüyip, jılqıdan bir tu bieni aldırtıp, barlıq jigitterimen kütip attandırıptı.

 

 

 

Sonday-aq, oqıñız

Qissa Salsal (jalğası)

Jayauğa Omar Baba tipti jüyrik, Ğwmırın ötkeripti jayau jürip. Isqaq payğambardan keremetti kiiz alıp, Ismayıl …

2 Pikir

  1. Mwhtar Seytjanov

    Negizi bwl Mədeliqojanıñ Bayzaq pen Batırbekke bağıttalğan,öleñniñ ərtürli nwsqalarında ərtürli adamdardıñ atı ataladı.Bayzaqtı qoqandar zeñbirekke baylap atıp jibergende,orıstar joğarıdağı egesti paydalanıp,Bayzaq ölimin Batırbekke jauıp ösek taratıp dulattı özdi özine jau qılıp qoyadı.Qazirgi kezde orıstardıñ qitwrqı əreketi arhiv iaterialdarımen anıqtalıp otır.Mədeliqojanıñ ekeuin jarastıruı oğan deyin bolğan.

Pikir qaldıru

E-poşta mekenjayıñız jariyalanbaydı. Mindetti örister * tañbalanğan