باسقى بەت / بىلگەن شايىر ايتادى / مادەلiنىڭ دوسالى مەن قاسىمبەك داتقانى جاراستىرۋى

مادەلiنىڭ دوسالى مەن قاسىمبەك داتقانى جاراستىرۋى

دوسالى، قاسىمبەك ەڭ ءتوس ەلiندە-اي،

جىلقى مال تەبiسپەيدi وسەرiندە-اي،

ارتىڭدى شابىس پەنەن تارتىس قىلما

قارتايىپ دۇنيەدەن كوشەرiڭدە-اي.

 

قالىپ ەم قاي جانىڭنان جاۋلانعانداي،

مەن شوق ەم، سەن جالىن بوپ لاۋلاعاندا-اي،

ارتىڭدى شابىس پەنەن تارتىس قىلما،

باسىڭا كارiلiك كەپ اۋناعاندا-اي.

 

دوسالى، قاسىمبەك ەڭ قىردا جاتقان،

ەستەرiڭ بار ەمەس پە، ءتاڭiر اتقان،

توبەلەسسەڭ دۋلاتتىڭ بالاسى ولەر

قوجا ولەدi, دەيمiسiڭ، سىردا جاتقان!

 

اقسۋدا جاساق جيىپ تۇرىسقانىڭ،

جاۋىڭدى قاشان بiرگە قۋىسپادىم؟

اتىسساڭدار دۋلاتتىڭ بالاسى ولەر

جالعان با بiر اتادان تۋىسقانىڭ؟

 

دومالاپ تاسىڭ شىقسا تاۋ بەتiنە،

ماستانبا قولىڭداعى داۋلەتiڭە،

اشۋ-دۇشپان تiلiمەن ادام ولسە

كەك قالار جەتi پۇتتى اۋلەتiڭە!

 

سەن ءوزIڭ…

قاراتاۋ اسىپ، سوزاق جاققا بارار جولدا نايمان بۇزاۋ داتقانىڭ ۇيiنە تۇسەردە مادەلi قاسىنداعى جiگiتتەرiن قىر استىنا قالدىرىپ، ءوزi جالعىز بارادى. سالەمدەسكەن سوڭ ءۇي يەسi: «مەنi جۇرت بۇزاۋ داتقا دەيدi, ال سەن قايدان بولاسىڭ؟ ءجونiڭدi ايتا وتىر» دەپ ءجون سۇرايدى. Cوندا اقىن: «سىر بويىنان كەلە جاتقان جولاۋشىمىن، داتقانىڭ داڭقىن ەسiتiپ سالەم بەرە كەلدiك» دەيدi.

سوندا بۇزاۋ داتقا: «اۋ، مىنا جولاۋشىعا قازان كوتەرiڭدەر» دەگەندە بiر ايەل ءۇي ورتاسىنداعى قازانعا سۋ قۇيىپ، قويدىڭ جالعىز قولىن سالىپ قايناتا باستايدى. داتقا جانتايىپ جاتقان جەرiنەن تۇرىپ وتىرىپ: «سول سىر بويىنان كەلە جاتساڭ مادەلiنi بiلەرسەڭ» دەپ باتىرلىعى مەن اقىندىعى جايلى ەستiگەن-بiلگەن اڭگiمەلەرiن اۋزىنا الىپ، ءسوزiنiڭ سوڭىندا: «ول تۋرالى بiلەتiنiڭدi, باسقا بۇيىمتايىڭ بولسا ونىڭدى ايتا وتىر، جولاۋشىم» دەيدi.            سول كەزدە مادەلi بىلاي دەپتi:

سەن ءوزiڭ بۇزاۋ ەمەس، تورپاقپىسىڭ،

جاۋعا شاپساڭ جالتاقتاپ قورقاقپىسىڭ؟

قازانىڭا سالعانىڭ جالعىز جاۋىرىن،

ۇيالماي وعان ءوزiڭ ورتاقپىسىڭ؟

 

جوق، الدە بۇزاۋ ەمەس، باسپاقپىسىڭ،

باسپاق بولا تۇرساڭ دا اسقاقپىسىڭ؟

داڭقىن كورمەي دارiپتەپ اڭگiمە ەتتiڭ

مادەلi كەلسە تۇرا قاشپاقپىسىڭ؟

 

وسىدان كەيiن مادەلiنiڭ باس-اياعىنا قايتادان نازار سالىپ قاراپ وتكەن بۇزاۋ داتقا: «ياپىر-اي، سەن يا كوزi, يا ءوزi شىعارسىڭ!» دەيدi دە ورنىنان تۇرىپ، قايتادان قۇشاقتاسىپ كورiسەدi دە، iشiنەن «بۇل انىق مادەلi بولسا، جانىندا جiگiتتەرى بولۋى تيiس» دەپ ءتۇيiپ، جىلقىدان بiر تۋ بيەنi الدىرتىپ، بارلىق جiگiتتەرiمەن كۇتiپ اتتاندىرىپتى.

 

 

 

سونداي-اق، وقىڭىز

قيسسا سالسال (جالعاسى)

جاياۋعا ومار بابا ءتىپتى جۇيرىك، عۇمىرىن وتكەرىپتى جاياۋ ءجۇرىپ. ىسقاق پايعامباردان كەرەمەتتى كيىز الىپ، ىسمايىل …

2 پىكىر

  1. مۇحتار سەيتجانوۆ

    نەگىزى بۇل مəدەلىقوجانىڭ بايزاق پەن باتىربەككە باعىتتالعان،ولەڭنىڭ ءəرتۇرلى نۇسقالارىندا ءəرتۇرلى ادامداردىڭ اتى اتالادى.بايزاقتى قوقاندار زەڭبىرەككە بايلاپ اتىپ جىبەرگەندە،ورىستار جوعارىداعى ەگەستى پايدالانىپ،بايزاق ءولىمىن باتىربەككە جاۋىپ وسەك تاراتىپ دۋلاتتى ءوزدى وزىنە جاۋ قىلىپ قويادى.قازىرگى كەزدە ورىستاردىڭ قيتۇرقى əرەكەتى ارحيۆ ياتەريالدارىمەن انىقتالىپ وتىر.مəدەلىقوجانىڭ ەكەۋىن جاراستىرۋى وعان دەيىن بولعان.

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان