جارىق نۇردىڭ ساۋلەسى

سايد اتا

زانكي اتانىڭ ەكىنشى حالپەسى. سايد اتانىڭ تولىق ەسىمى – سايد احمەت. ول سايد اتا دەپ تانىلعان. ريۋايات بويىنشا سايد اتا زانكي اتا حازىرەتىنىڭ قىزمەتىندە قانشالىقتى ەڭبەك ەتسە دە كوزدەگەن ماقساتىنا جەتە المادى، ءدىلى ەش اشىلماي قويادى. اقىرى انبار اناعا ءسىزدىڭ ءسوزىڭىزدى اتا حازىرەتى كەرى قاقپايدى، ءسىز حالىقتىڭ جايىنا اراشا ەتكەنىڭىزدەي مەن ءۇشىن بىرەر اراشالىق ەتۋىڭىزدى ۇمىتتەنەمىن، – دەدى. انبار انا سايد اتانىڭ ءسوزىن قابىل ەتىپ، سەن بۇل ءتۇنى قاراڭعى شاقتا اتانىڭ جولىندا تاڭسارىدە دارەت الۋعا شىققانىندا وسىندا تۇر. سەنى وسى جاعدايدا كورىپ مەيىرىمى كەلەر، – دەدى. زانكي اتاعا انبار انا كەشكە توسەكتە احمەت كەدەي جىگىت، مىرزا دا، عالىم، وسى شاققا دەيىن ءسىزدىڭ قىزمەتىڭىزدە، بىراق وسىعان دەيىن قامقورلىعىڭىزعا بولەنبەدى، – دەپ كىشىپەيىلدىلىكپەن ايتتى. اتا حازىرەتى كۇلىپ: ونىڭ جولىن ءبىلىمى مەن مىرزالىعى توستى، – دەدى. سول كەزدەسكەن كۇنى مەن وعان قۇشاق جايعان ەدىم، ول ىشىنەن مەن مىرزامىن، عالىممىن، مىنا سيىر باققان قاراعا ىلەسپەيمىن، – دەگەن. بىراق سەن اراشا ءتۇسىپ وتىر ەكەنسىڭ مەن ونىڭ قاتەلىگىن كەشىردىم، – دەدى.

ول تاڭسارىدە تىسقا شىققاندا جولىنىڭ بويىندا ءبىر قارا نارسە جاتىر ەدى. توقتاپ قاراسا سايد اتا ەكەن. زانكي اتا ونىڭ جۇزىنە قاراعاندا سايد اتا زانكي اتا حازىرەتىنىڭ اياقتارىن ءسۇيىپ، بەتىن اياعىنا قويدى.

اتا حازىرەتى وعان  كىشىپەيىلدىلىكپەن كىمسىڭ، – دەدى.

ول:

– احمەت، – دەپ جاۋاپ بەردى.

اتا وعان:

– ورنىڭنان تۇر، بۇل ءحالىڭ سەنى دۇرىس جولعا سالدى، – دەپ سايدكە ءىلتيپات كورسەتتى. وسىدان كەيىن نەنى ماقسات ەتسە جولى اشىلا بەردى. وسىلايشا از ۋاقىت ىشىندە كامىلدىك مارتەبەگە جەتىپ، كوپتەگەن كەمشىلىكتەرى جويىلدى.

سايد اتا عازيزان لاقابىمەن تانىلعان ۇلى قوجالاردان بولعان قوجا ءالي راميتيني حازىرەتىمەن زامانداس بولعان. بۇل كىسى جايلى تومەندە ايتىلادى. ولار زامانداستار ەدى. ولاردىڭ ارالارىندا كەيبىر جاعدايلار بولعان، ءبىرشاماسى قوجا عازيزان ءومىربايانىندا باياندالۋى كەرەك. قوجا باھاۋيددين ناقشىباندي ماقامىندا قوجا حازىرەتىنىڭ اڭگىمەلەۋىنشە: ءبىر كۇنى ءبىر ەگىنشى تارى ەگەدى. سايد حازىرەتى ەگىنشىنىڭ جانىنا كوشىپ كەلەدى. ودان «نە ىستەپ جاتىرسىڭ، نە ەگىپ جاتىرسىڭ؟» – دەپ  سۇرايدى. ەگىنشى «تارى ەكتىم، بىراق بۇل جەردەن جاقسى ءونىم الىنباس»، – دەيدى. سايد اتا جەرگە:  «ەي، جەر!  جاقسى ءونىم بەر!»، – دەپ ءتىل قاتادى. بۇدان سوڭ قانشا جىلدار بويى  ول جەرگە تۇقىم ەگىلسە بولدى، جاقسى تارى ءوسىپ شىعا بەرەتىنى ريۋايات ەتىلەدى.

 «راشاحات اين ءال-حايات – تىرشىلىك كوزىنىڭ سىر تامشىلارى» كىتابىنان. دايىنداعان نۇرلان بەردەنۇلى

تاڭبالار

ۇقساس ماقالالار

پىكىر قالدىرۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان